រឿងអប់រំបែបព្រះពុទ្ធសាសនា «សទ្ធាមាណពភាគ១» ទទួលបានគាំទ្រច្រើនគួរឱ្យកត់សម្គាល់ ទើបធ្វើឱ្យក្រុមការងារផលិតទាំងអស់មានកម្លាំងចិត្ត ចាប់ផ្ដើមថតវគ្គទីពីរជាបន្តទៀត ប៉ុន្តែកញ្ញា ពេជ្រ ចរណៃ ដែលជាតារាសម្ដែងឯកក្នុងរឿងភាគនេះបានលើកឡើងថា រឿងនេះនៅមានចំណុចខ្វះខាតខ្លះ ព្រោះក្រុមការងារចំណាយធនធានផ្ទាល់ខ្លួន មិនទាន់មាន Sponsor នៅឡើយទេ។
តារាក្បាច់គុន ពេជ្រ ចរណៃបានរឿង សទ្ធាមាណពភាគ២ នេះគឺមានឈុតឆាកកាន់តែល្អឡើងដូចជា ឈុតចម្បាំង ឈុតអ្នកភូមិមានវិវាទនឹងគ្នា លាយឡំជាមួយនឹងព្រះធម៌អប់រំដ៏ល្អៗជាច្រើន។ រឿងនេះគឺជារឿងដែលក្រុមការងារពួតដៃគ្នាគឺដើម្បីផលិតរឿងអប់រំបែបព្រះពុទ្ធសាសនា វប្បធម៌ អរិយធម៌ អក្សរសាស្ត្រ អក្សរសិល្ប៍ ក្បាច់គុនបុរាណ និងទំនៀមទំលាប់របស់ប្រជាជនខ្មែរ។
យ៉ាងណាមិញកញ្ញា ពេជ្រ ចរណៃ បានត្អូញត្អែរដែរថាខ្លួននិងក្រុមការងារបានខិតខំផលិតនិងបង្ហាញទៅតាមលទ្ធភាព ហើយនៅមានចំណុចខ្វះខាតមួយចំនួន ព្រោះតែកញ្ចប់ផលិតគឺចំណាយធនធាននិងថវិកាផ្ទាល់ខ្លួន។ កញ្ញាបន្តទៀតថាបើសិនមានការឧបត្ថម្ភពីពុកម៉ែបងប្អូនទាំងអស់ ក្រុមការងារនឹងខិតខំផលិតរឿងបែបអប់រំនេះឱ្យកាន់តែច្រើន ពិសេសមានគុណភាពខ្ពស់។ កញ្ញាសង្ឃឹមថានឹងទទួលបានការជួយឧបត្ថម្ភគាំទ្រពីបងប្អូនទាំងអស់។
សម្រាប់បងប្អូនដែលមានបំណងចង់ចូលរួមឧបត្ថម្ភដើម្បីផលិតសាច់រឿងនេះឱ្យកាន់តែល្អនិងមានគុណភាពអាចទំនាក់ទំនងទៅកាន់លេខទូរស័ព្ទចំនួន ២ខ្សែ៖ 096 926 7777 /088 5555 815
អត្ថបទទាក់ទង៖