កូរ៉េ – Bambam តារាចម្រៀង K-pop ដ៏ល្បីល្បាញរបស់កូរ៉េខាងត្បូង គឺជាតារាកូរ៉េសញ្ជាតិថៃបានបង្ហើបថាដោយសារតែខ្លួនជាជនបរទេសដូច្នេះហើយទិញអគារនៅកូរ៉េមិនងាយស្រួលនោះទេ ថ្លៃបង់ពន្ធក៏ខ្ពស់ណាស់ដែរ ម្យ៉ាងដោយខ្លួនជាអ្នកស្រលាញ់នាឡិកា និងចូលចិត្តសន្សំទុកផងនោះ ទើបសម្រេចចិត្តទិញនាឡិកាដែលមានតម្លៃស្មើអគារល្អជាង។
នៅក្នុងកម្មវិធីមួយតារារូបនេះបាន Call និយាយលេងជាមួយនឹងពិធីករល្បីរបស់ថៃ ដោយក្នុងនោះតារារូបនេះបាននិយាយថាខ្លួនជាមនុស្សចូលចិត្តនាឡិកា ដូច្នេះហើយទើបមានការសន្សំទុកនាឡិកាយ៉ាងច្រើន «ខ្ញុំនឹងទិញនាឡិកាពេលដែលមានរឿងល្អកើតឡើងក្នុងជីវិត នាឡិកានីមួយៗមានអត្ថន័យផ្សេងៗគ្នា!»
តារារូបនេះបានបន្តទៀតថា «ខ្ញុំមិនចូលចិត្តឡាន ទើបអត់ទិញ ចំណែកអគារវិញ ដោយសារតែយើងគឺជាជនបរទេសដូច្នេះមានការលំបាកនិងស្មុគស្មាញបន្តិច ដូចជាថ្លៃថែរក្សា ថ្លៃពន្ធ ទើបខ្ញុំសម្រេចចិត្តមិនទិញអគារ តែតិញនាឡិកាដែលមានតម្លៃមួយគ្រឿងស្មើនឹងអគារមួយវិញ»
ក្រោយវីដេអូកម្មវិធីនេះត្រូវបានបង្ហោះចេញទៅលើ Youtube ភ្លាម នៅក្នុងប្រទេសថៃស្រាប់តែជាប់ Trend លើ លំដាប់លេខ១ លើ Youtube នៅក្នុងប្រទេសថៃ៕
ប្រភព៖ Khaosod
