សម្រាប់សង្គមសិល្បៈរឿងដែលមហាជនកំពុងផ្ដោតការចាប់អារម្មណ៍ច្រើននៅពេលនេះគឺរឿងបំណុល១៥ម៉ឺនដុល្លាររបស់តារាសម្ដែង-ពិធីករភេទទី៣ ផេនខេក ក្រោយម្ចាស់បំណុលរោមទារមុខទារក្រោយនិងបង្ហោះទម្លាយរឿងនេះជាសាធារណៈ។ ដោយឡែករឿងនេះបានប៉ះទង្គិចយ៉ាងខ្លាំងដល់ផ្លូវចិត្តអ្នកនាង ខ្ញុង ដែលធ្លាប់រងវិបត្តិជំពាក់បំណុលគេវ័ណ្តក ដោយសារតែមានអ្នកដៀមដាមនិងយកអ្នកនាងចូលទៅពាក់ព័ន្ធក្នុងករណីនេះរហូតផ្ទុះកំហឹងជះលើបណ្ដាញសង្គម។
ក្រោយផ្ទុះរឿងបំណុល ១៥ម៉ឺនដុល្លារ របស់ផេនខេក ស្រាប់តែមានអ្នកយករឿងនេះទៅប្រៀបធៀបនឹងករណីអ្នកនាងខ្ញុង ដែលធ្លាប់ជំពាក់បំណុលច្រើនរហូតដល់ថ្នាក់សុខចិត្តដើរចូលតុលាការដោយខ្លួនឯង។ យ៉ាងណាមិញអ្នកកំប្លែងស្រីប៉ិនវោហារ ស្រេង សុកាន់ដា ហៅខ្ញុង បានបង្ហោះសារនៅលើបណ្ដាញសូមកុំឱ្យគេយករឿងអ្នកនាងទៅពាក់ព័ន្ធនឹងករណីរបស់ផេនខេក ព្រោះតែជាមនុស្សផ្សេងគ្នា។
ហាក់ក្ដៅស្លឹកត្រចៀកនឹងការប្រៀបធៀបមុខក្រោយនេះ អ្នកនាង ខ្ញុង បានបង្ហោះរៀបរាប់យ៉ាងដូច្នេះថា៖ «រកអីបានរកទៅ ធ្វើអីបានធ្វើទៅ មនុស្សមានបញ្ហាមានរៀងៗខ្លួន អាក្រក់ឬល្អ មិនស្ថិតលើមាត់របស់អ្នកឡើយ កុំដៀមដាម ឌឺដង ផ្លាផ្កាឱ្យខ្ញុំ មែនខ្ញុំធ្លាប់ឡាយនិយាយពីបញ្ហាបំណុល និងសុំឱ្យបងប្អូនជួយព្រោះតែមានហេតុផលរបស់ខ្ញុំ ព្រោះតែក្ដីស្រលាញ់ទើបមហាជនរាប់ម៉ឺនអ្នកជួយខ្ញុំ ខ្ញុំក៏គិតថាទោះខ្ញុំក៏សុំដោយក្ដីស្មោះត្រង់និយាយត្រង់ៗមិនបានលួច ឆក់ ប្លន់ បោកប្រាស់អ្នកណា ចុះហេតុអីចាំបាច់ដើម្បីតែនិយាយយកល្អខ្លួនឯងផ្លែផ្កាខ្ញុំម្ល៉េះ»
អត្ថបទទាក់ទង៖
- ទោះ ផេនខេក មិនបានហាមាត់សុំជំនួយ ប៉ុន្តែមហាជនស្រាក់ដៃគ្នាជួយ ផេនខេក ព្រោះម្ចាស់បំណុលមិនព្រមបន្ធូរដៃ
- ប៉ះគ្នាមួយប្រា.វ! ម្ចាស់បំណុ.លតាមទារខ្ញុង ទាំងយប់ព្រោះជំពា.ក់បំណុ.លគេទារស្អិតដូចគ្នា