អាមេរិក – នៅក្នុងកម្មវិធីនិយាយកំប្លែងរបស់ខ្លួនតារាកំប្លែង Chris Rock មិនភ្លេចលើកយករឿងដែលលោកត្រូវបានតារាហូលីវូដ Will Smith ទះមួយកំភ្លៀងអស់មួយទំហឹងដៃនៅលើឆាកប្រគល់រង្វាន់អូស្ការនាពេលកន្លងទៅនោះឡើយ។
បុរសវ័យ ៥៧ឆ្នាំរូបនេះបានត្រូវ Will Smith ទះកំផ្លៀងដោយសារតែលោកបានយករឿងក្បាលត្រងោលរបស់ Jada Pinkett Smith ដែលជាភរិយារបស់ Will មកនិយាយលេងសើចនៅឆាកប្រកាសពានរង្វាន់អូស្ការ ហើយក្រោយពីហេតុការណ៍នេះត្រចៀករបស់ស្រាប់តែហឹង និងស្ដាប់អ្វីមិនឮ។
យ៉ាងណាមិញថ្មីៗនេះនៅពេលលោកឡើងសម្ដែងកំប្លែងនៅ Caesars Palace នា Las Vegas លោកបានប្រាប់អ្នកគាំទ្ររបស់លោកថា៖ «ខ្ញុំសុខសប្បាយទេ។ ខ្ញុំស្ដាប់ឮឡើងវិញហើយ។ អាការខ្ញុំមិនអាក្រក់ពេកនោះទេ»។
ចាប់តាំងពីកើតមានហេតុការណ៍នឹកស្មានមិនដល់លើឆាក Chris Rock មិនដែលរំលឹកដល់ Will Smith ឡើយ ប៉ុន្តែនៅក្នុងការសម្ដែងកំប្លែងរបស់លោកលើកនេះ តារាកំប្លែងឆ្លៀតបាញ់ Will Smith តាមរយៈពាក្យសម្ដីកំប្លែងរបស់ខ្លួន។ «មនុស្សដែលនិយាយពាក្យស្ដាប់ទៅឈឺចាប់ មិនដែលដាល់មុខអ្នកណាម្នាក់នោះទេ»
ចុងក្រោយ Chris Rock បាននិយាយទៅកាន់ក្រុមអ្នកទស្សនាលោកដោយផ្ទាល់ទៀតថាលោកនឹងមិនលើកយករឿងជម្លោះដ៏ល្បីល្បាញនោះមកនិយាយឡើយ ដរាបណាលោកទទួលបានសំណង។ «ខ្ញុំមិនអីទេ។ ខ្ញុំមានការសម្ដែងហើយ ដូច្នេះខ្ញុំនឹងមិននិយាយរឿងនេះទេ រហូតទាល់តែខ្ញុំបានសំណង»
ប្រភព៖ goe.tv
អត្ថបទទាក់ទង៖
- ក្រោយស៊ីមួយកំផ្លៀង ព្រោះយករឿងក្បាលត្រងោលប្រពន្ធ Will Smith មកលេងសើចលើឆាក Chris Rock ថា
- ក្រោយទះកំផ្លៀង Chris Rock មួយដៃនៅលើវេទិកាពានរង្វាន់អូស្ការ Will Smith ដ្រាម៉ាស្រក់ទឹកភ្នែកយកចិត្តមហាជន
- Will Smith ទទួលផលកម្មបែបណាខ្លះ ព្រោះទប់កំហឹងមួយកំសួលមិនជាប់ទះកំផ្លៀងគេផ្អើលឆាក?
- ក្រោយហេតុការណ៍ទះកំផ្លៀង ស្នាមញញឹមដំបូងរបស់ Will Smith កើតឡើងនៅលើទឹកដីឥណ្ឌា
- ចប់ហើយ! ប៉ូលិសត្រៀមចាប់ខ្លួន Will Smith ហើយក្រោយទះកំផ្លៀង Chris Rock ផ្អើលកម្មវិធី Oscars