ឯម គុនថង គឺជា Miss Global Cambodia 2022 ដែលជ្រើសរើសដោយក្រុមហ៊ុនមហាហង្សដើម្បីចេញទៅប្រកួតតំណាងព្រះរាជាណាចក្រកម្ពុជានៅកោះបាលី ប្រទេសឥណ្ឌូនេស៊ី។ យ៉ាងណាមិញក្រោយមានដំណឹងរសើបរឿងកញ្ញាចេញទៅប្រកួតលើកនេះគឺជំនួសគេនោះ ឯម គុនថង បានចេញសារបញ្ជាក់ដើម្បីកុំឱ្យមហាជននៅមានមន្ទិលសង្ស័យតទៅទៀត។
នេះគឺជាខ្លឹមសារទាំងស្រុងដែលកញ្ញា ឯម គុនថង បានសរសេររៀបរាប់នៅលើបណ្ដាញទំនាក់ទំនងសង្គមនៅរសៀលថ្ងៃទី១១ ខែឧសភា ឆ្នាំ២០២២នេះ៖
«ខ្ញុំសូមមិននិយាយអ្វីច្រើនទេចំពោះរឿងរបស់ miss global Cambodia 2021 មិនបានចូលរួមប្រកួត សូមបញ្ជាក់ម្ដងទៀតហើយក៏ជាលើកចុងក្រោយ នាងអែមគុនថងមិនបានទៅជុំនួនតំណែងនរណាម្នាក់ឡើយ ក្នុងនាមនាងខ្ញុំជាបវរកញ្ញាមួយរូប នាងខ្ញុំត្រូវបំពេញភារកិច្ចតាមអ្វីដែលក្រុមហ៊ុនអោយមកនាងខ្ញុំ សូមឈប់ប្រើពាក្យថា miss global Cambodia 2021 មិនបានចូលរួមប្រកួតដោយសារតែរូបនាងខ្ញុំទៀតទៅ ព្រោះនាងខ្ញុំហើយនឹងគាត់ចូលរួមប្រកួតឆ្នាំខុសគ្នា 2021 ផ្សេង 2022 ផ្សេងសូមបែងចែកអោយដាច់ អរគុណ»
សម្រាប់ប្រិយមិត្តអ្នកស្នេហាកម្មវិធីប្រកួតសម្រស់ Miss Global 2022 នេះអាចចូលរួមបោះឆ្នោតដើម្បីជួយឱ្យបេក្ខនារី ឯម គុនថង បានឈានចូលដល់វគ្គកំពូល Top 10 ដោយលោកអ្នកគ្រាន់តែចុចលើ Link ខាងក្រោមនេះរួចបំពេញឈ្មោះ និង Email ជាការស្រេច។
Link: Vote – Miss Global Organization
អត្ថបទទាក់ទង ឯម គុនថង៖