ខ្សែប្រយុទ្ធចាស់វស្សា Cristiano Ronaldo ឈ្នះពានរង្វាន់កីឡាករល្អជាងគេប្រចាំខែមេសា ជាលើកទី២ ជាមួយក្រុមបិសាចក្រហម Manchester United នៅយប់ពីថ្ងៃទី១២ ខែឧសភា ឆ្នាំ២០២២។
CR7 បានក្លាយជាកីឡាករចាស់ជាងគេបំផុតដែលអាចឈ្នះពានរង្វាន់កីឡាករឆ្នើមប្រចាំខែ នៅក្របខណ្ឌកំពូលរបស់ប្រទេសអង់គ្លេស English Premier League ក្នុងវ័យ៣៧ឆ្នាំ។ បន្ទាប់ពីរូបគេស៊ុតបញ្ចូលទី៥គ្រាប់ ក្នុងចំណោមការបង្ហាញខ្លួន៦លើក។
ខណ:លោក Mike Jackson គ្រូបង្វឹកបណ្ដោះអាសន្ន ជំនួសកៅអីលោក Sean Dyche របស់ក្លិបបាល់ទាត់ Burnley បានឈ្នះពានរង្វាន់គ្រូបង្វឹកល្អប្រចាំខែមេសា ក្រោយដឹកនាំ៤ប្រកួត ឈ្នះ៣ និងស្មើ១ មិនដែលចាញ់៕