តារាសម្ដែងអ្នកលេងគុនល្បុក្កតោ កញ្ញា ពេជ្រ ចរណៃ ធ្លាប់បានបង្ហោះស្នើសុំស្ពន់សឺថតរឿង «សទ្ធាមាណព» វគ្គទីពីរ ដើម្បីចង់សម្រិតសម្រាំងឱ្យរឿងនេះកាន់តែមានគុណភាពល្អប្រសើរថែមមួយកម្រិតទៀត ព្រោះធនធានផ្ទាល់ខ្លួននៅមានកម្រិត ប៉ុន្តែកញ្ញានៅតែប្រកាន់គោលជំហរចាស់គឺមិនទទួលយកស្ពន់សឺណាដែលប៉ះពាល់ដល់សង្គមពិសេសគ្រឿងស្រវឹងតែម្ដង។
កញ្ញាបានបញ្ជាក់នៅលើបណ្ដាញទំនាក់ទំនងសង្គមនៅថ្ងៃទី១៣ ខែឧសភា ឆ្នាំ២០២២ បានចេញមកបញ្ជាក់ជាថ្មីម្ដងទៀតថាខ្លួនមិនទទួលស្ពន់សឺ (Sponsor) ណាដែលមានផលប៉ះពាល់សង្គម (ជាពិសេសគ្រឿងស្រវឹង)។
កញ្ញា ពេជ្រ ចរណៃបានបញ្ជាក់ទៀតថាការដែលរឿងនេះមានភាពយឺតយ៉ាវ ដោយសារតែមានការខ្វះខាត កញ្ចប់ថវិកា ក្នុងការឧបត្ថម្ភគាំទ្រ។ ភាពយន្តផ្សព្វផ្សាយពីក្បាច់គុនបុរាណខ្មែរ វប្បធម៌ អរិយធម៌ អក្សរសិល្ប៍ អក្សរសាស្ត្រ នេះនឹងត្រៀមផ្សាយភាគទី២របស់ខ្លួនក្នុងពេលឆាប់ៗខាងមុខនេះហើយ។ នេះបើយោងតាមការបញ្ជាក់ពីកញ្ញា ពេជ្រ ចរណៃ។
សម្រាប់ឈុតឆាកក្នុងភាគទីពីរនេះមាន ឈុតចម្បាំង ឈុតអ្នកភូមិមានវិវាទទាស់ទែងគ្នា ព្រមទាំងលាយឡំនឹងការអប់រំព្រះធម៌ដ៏ល្អជាច្រើនទៀតដែរ។ តារាសម្ដែងជំនាញគុនល្បុក្កតោ បានសំណូមពរជាថ្មីម្ដងទៀតចំពោះពុកម៉ែបងប្អូនដែលស្រលាញ់ចូលចិត្តចង់លើកស្ទួយភាពយន្តជាតិ និងសិល្បៈជាតិ សូមចូលរួមជួយឧបត្ថម្ភមកកញ្ញាបានតាមរយៈធនាគារដូចខាងក្រោម៖
sponsored 096 926 7777088 5555 815ABA 001212567 / lTH KANIKA
សូមទស្សនាវីដេអូ Top News៖
អត្ថបទទាក់ទង៖
- ពេជ្រ ចរណៃ សុំការឧបត្ថម្ភ រឿងអប់រំបែបព្រះពុទ្ធសាសនា«សទ្ធាមាណព»ចាយលុយថតខ្លួនឯងទាំងត្រដាបត្រដួស
- កញ្ញា ពេជ្រ ចរណៃ នៅតែប្រកាន់គោលជំហរចាស់គឺមិនទទួលយកស្ពន់សឺណាដែលប៉ះពាល់ដល់សង្គមពិសេសគ្រឿងស្រវឹងតែម្ដង។
- តារាស្រី ពេជ្រ ចរណៃ បើកមុខកម្មវិធី «CBSគុនខ្មែរ» ដំបូងគេក្នុងកម្ពុជា