កូរ៉េខាងត្បូង – តារាសម្ដែង Kim Jung Hyun នឹងត្រលប់មកបង្ហាញវត្តមានសម្ដែងក្នុងរឿងភាគថ្មីក្រោយបាត់មុខអស់១ឆ្នាំ៦ខែពីវិស័យឧស្សាហកម្មសិល្បៈភាពយន្តកូរ៉េដោយសារតែរឿងអាស្រូវ។
យោងតាមរយៈការផ្សព្វផ្សាយពីសារព័ត៌មាន Sports Chosun តារាសម្ដែង Kim Jung Hyun នឹងបង្ហាញវត្តមានសម្ដែងជាតួឯកក្នុងរឿងភាគថ្មីត្រៀមបញ្ចាំងលើកញ្ចក់ទូរទស្សន៍ MBC។ រឿងភាគបែបអភិនិហារស្ដីពីឱសថនេះនិយាយពីសាច់រឿងរបស់យមទូតមួយរូបដែលតែងតែឈប់សម្រាករាល់ៗ៩៩ឆ្នាំម្ដង។ យមទូតរូបនេះបានជួបនឹងអ្នកគ្រូពេទ្យម្នាក់ដែលមានសមត្ថភាពអាថ៌កំបាំងដ៏អស្ចារ្យ
យមទូតនាំព្រលឹងដែលកាចសាហាវនិងមានចិត្តត្រជាក់ដូចទឹកកកដែលចាប់យកវិញ្ញាណគ្រប់៩៩ទៅកាន់ឋាននរក ប៉ុន្តែនៅរាល់៩៩ឆ្នាំម្ដង គេតែងតែមានពេលសំរាករយៈ៤៩ថ្ងៃ ប៉ុន្តែលើកនេះក្រោយគេបានចូលសណ្ឋិតក្នុងខ្លួនមនុស្សម្នាក់ឈ្មោះ Do Jin Woo គេបានបង្កើតស្នេហាឥតព្រៀងទុកឡើង។
តារាសម្ដែង Kim Jung Hyun បានព្យួរសកម្មភាពសម្ដែងរបស់គេមួយរយៈធំហើយក្រោយរងការចោទប្រកាន់និងមានមតិអវិជ្ជមានចំពោះរូបគេជាច្រើន ពិសេសសកម្មភាពនិងទង្វើគ្មានសីលធម៌របស់គេចំពោះដៃគូសម្ដែងគឺ Seohyun (SNSD) ដោយសារតែពាក្យបញ្ជាពីអតីតមិត្តស្រី Seo Ye Ji។ យ៉ាងណាមិញក្រោយផ្ទុះបែកធ្លាយរឿងអាស្រូវនេះលោកបានចេញមកសុំទោសមនុស្សដែលពាក់ព័ន្ធទាំងអស់និងបង្ហាញគោលជំហរចង់ត្រលប់មកសម្ដែងឡើងវិញ។
រឿងភាគថ្មី «The Season of Puppets» ដែលត្រៀមបញ្ចាំងនៅ MBC នេះនឹងចាប់ផ្ដើមថតនៅពេលឆាប់ៗខាងមុខនេះហើយ៕
ប្រភព៖ Koreaboo