វិញ្ញាសាវាយយកពិន្ទុទាំងទាំងផ្នែកបុរស និងនារី របស់កម្ពុជា សុទ្ធតែធ្លាក់ចេញត្រឹមវគ្គពាក់កណ្ដាលផ្ដាច់ព្រ័ត្រដូចគ្នា នៅរសៀលថ្ងៃសុក្រ ទី១៣ ខែឧសភា ឆ្នាំ២០២២ នេះនៅក្នុងព្រឹត្តិការណ៍កីឡាស៊ីហ្គេមលើកទី៣១ នៅទីក្រុងហាណូយ ប្រទេសវៀតណាម។
ចំពោះវិញ្ញាសាវាយយកពិន្ទុបុរស កីឡាករ សុខ ចាន់មាន ចាញ់កីឡាករ Supan Thongphoo របស់ថៃ ដោយលទ្ធផល ៤៣ ទល់១៩ ខណៈវិញ្ញាសាវាយយកពិន្ទុផ្នែកនារី វិញកីឡាការិនី អ៊ុក ស្រីមុំ បានចាញ់កីឡាការិនី Khin Cherry Thet របស់មីយ៉ាន់ម៉ា ដោយលទ្ធផល២៨ទល់៤០។
ដូច្នេះក្រោយធ្លាក់ត្រឹមវគ្គពាក់កណ្ដាលផ្ដាច់ព្រ័ត្រនេះ កីឡាករកីឡាការិនី របស់កម្ពុជា ទាំង២រូបទទួលបានមេដាយសំរឹទ្ធស្ទួន។ នេះជាមេដាយសំរឹទ្ធទី៤របស់កម្ពុជា ខណៈមេដាយសំរឹទ្ធដំបូងរកបានដោយកីឡាករ កីឡាករ ផន សុភាន និងកីឡាករ ជៅ សំរេច ក្នុងប្រភេទកីឡាទូករ៉ូអ៊ីង លើវិញ្ញាសាគូបុរស M2X និងកីឡាករ សាន សាឃីម ក្នុងប្រភេទកីឡា Kick Boxing វិញ្ញាសា៦៣,៥គីឡូក្រាម៕
រូបថត៖NOCC
