តារាសម្ដែង ព្រីន បានចេញមុខ Live បកស្រាយទាំងយប់ដោយសារតែមានបុគ្គល fake account យករូបលោកយកទៅបោកប្រាស់គេបានសម្រេច មិនត្រឹមតែនៅខ្មែរប៉ុណ្ណោះទេ ថែមទាំងនៅប្រទេសថៃទៀត ដែលសកម្មភាពនេះធ្វើឱ្យប៉ះពាល់ដល់កិត្តិយសនិងសេចក្ដីថ្លៃថ្នូររបស់លោកយ៉ាងខ្លាំង។
នៅក្នុងការ Live នោះព្រីន បាននិយាយថាកន្លងមកលោកធ្លាប់បានដឹង និងឮរឿងដែលមានគេយករូបលោកទៅប្រើ ប៉ុន្តែលោកមិនចាប់អារម្មណ៍ព្រោះយល់ថា លោកមានគេស្គាល់ច្រើនហេតុដូច្នេះហើយប្រហែលជាមិនមានអ្នកណាចាញ់បោកនោះឡើយ។
ប៉ុន្តែស្រាប់តែលោកទទួលបានឆាតពីហ្វេននៅប្រទេសថៃ រឿងដែលមានគេ fake account យករូបលោកទៅប្រើបោកប្រាស់គេ និងចុងក្រោយនេះគឺដល់ថ្នាក់បោកប្រាស់បោកយកម៉ូតូរបស់គេ រហូតដល់បងប្អូនជនរងគ្រោះបានផ្ញើសារមកកាន់លោកដោយផ្ទាល់។
ព្រីនបានអំពាវនាវ សូមឱ្យសាធារណជន មេត្តាពិនិត្យឱ្យច្បាស់ថាមួយណាជាគណនីពិត ហើយមួយណាជាគណនីក្លែងក្លាយ ព្រោះលោកមានផេកផ្លូវការទាំងនៅលើ facebook, ig ។ល។ មួយវិញទៀតបញ្ហាលុយកាក់សូមឱ្យមានការពិនិត្យឱ្យបានច្បាស់លាស់និងត្រឹមត្រូវព្រោះលោកមិនដែលផ្ញើសារ ទៅសុំលុយ ខ្ចីលុយ ឬត្រូវការប្រាក់អ្វីទាំងអស់។
នេះមិនមែនជាលើកទីមួយឡើយដែលមានអ្នកចាញ់បោកក្រុម fake account យករូបភាពតារាទៅប្រើប្រាស់ ដោយបោកសេចក្ដីទុកចិត្តតាមរយៈការបង្កើតទំនាក់ទំនងស្នេហា រហូតដល់ជនរងគ្រោះមានការទុកចិត្តទុកថ្លើម រួមទើបចាប់ផ្ដើមប្រើល្បិចគ្រប់រូបភាពដើម្បីបូមលុយជនរងគ្រោះតាមរូបភាពផ្សេងៗ។ ដូច្នេះសូមប្រជាជនទាំងអស់មានការប្រុងប្រយ័ត្នខ្ពស់ និងពិនិត្យពិច័យឱ្យបានម៉ត់ចត់ មុននឹងសម្រេចចិត្តផ្ញើប្រាក់ ឬវេរប្រាក់ឱ្យនរណាម្នាក់៕
អត្ថបទទាក់ទងព្រីន៖
- ព្រីន គាស់រំលើងឈុតបុរាណខ្មែរមានចេតនា ផ្សព្វផ្សាយវប្បធម៌បុរាណហោចណាស់១ឆ្នាំម្ដង
- ព្រីន ដាក់មួយឃ្លាឡើងឆ្ងាញ់រឿងសាំងស៊ុបពែរថ្លៃដាច់គេ ហើយនិយាយថាខ្លួនទៅជិះសេះវិញ!
- ព្រីនចេញ Live ភ្លាមៗក្រោយអ្នកទស្សនា«អ្នកឈ្នះ»វគ្គ២ខុសការរំពឹងទុកខ្លាំង!
ទស្សនាវីដេអូ Live ទាំងស្រុងខាងក្រោមនេះ៖