គិតត្រឹមថ្ងៃទី ១៨ ខែ ឧសភា ឆ្នាំ ២០២២នេះ គេសង្កេតឃើញមាន សិល្បករសិល្បការិនីចំនួន ៤ ដួង បានបាត់បង់សាច់ញាតិជាទីគោរពស្រឡាញ់របស់ខ្លួន ដែលនៅក្នុងនោះរួមមាន ព្រះនាងតូច នរោត្តម ជេនណា លោក ជា សុជាតិ (ក្មេងខ្មែរ) តារាចម្រៀង គឿន នភាល័យ និងតារាចម្រៀង សុវត្ថិឌី ធារិកា ។
នៅថ្ងៃទី ១១ ខែ ឧសភា ព្រះនាងតូច នរោត្តម ជេនណា មានទុក្ខក្រៀកក្រំជាខ្លាំង ព្រោះអ្នកម្នាង ឌួង ឌីយ៉ាត ត្រូវជាជីដូនបង្កើតបានទទួលមរណភាពនៅមន្ទីរពេទ្យមួយក្នុងក្រុងបាងកក ប្រទេសថៃ ដោយរោគាពាធ។ សពអ្នកម្នាង ត្រូវបានបូជានាថ្ងៃទី១៣ ខែឧសភា ឆ្នាំ២០២២ វេលាម៉ោង៥ល្ងាច នាបរិវេណវត្តបុទុមវត្តី រាជធានីភ្នំពេញ។
មកដល់ថ្ងៃទី ១២ ខែ ឧសភា សារព័ត៌មានត្រយងបានទទួលដំណឹងថា អ្នកម្ដាយរបស់តារាចម្រៀង Original Song លោក ជា សុជាតិ បានលាចាកលោកនេះទៅហើយ។ អ្នកម្ដាយរបស់សុជាតិ មានឈ្មោះ អ៊ឹង សុខភាតរៈ (អ្នកគ្រូពេទ្យជុំរំ) បានទទួលមរណៈភាពដោយរាគាពាធនាវេលាម៉ោង៦.៥០នាទីល្ងាច។
លុះមកទល់ថ្ងៃទី ១៥ ខែ ឧសភា ឯកឧត្តមសន្តិបណ្ឌិត ឌុល គឿន តំណាងរាស្ត្រមណ្ឌលកណ្តាលនិតិកាលទី៦ នៃរដ្ឋសភា បានទទួលមរណភាពភាពហើយ នៅវេលាម៉ោង ៦:១២នាទីល្ងាច ក្នុងជន្មាយុ ៧៤ ឆ្នាំ ដោយជរាពាធ។ ឯកឧត្តមសន្តិបណ្ឌិត ត្រូវជាឪពុកបង្កើតតារាចម្រៀង គឿន នភាល័យ ដែលមហាជនបានស្គាល់តាមរយៈកម្មវិធីប្រឡង XFactor ។
ហើយមកត្រឹមរសៀលថ្ងៃទី ១៧ ខែ ឧសភា នេះ តារាចម្រៀង សុវត្ថិឌី ធារិកា បានបាត់បង់ឪពុកម្ដាយដោយសារគ្រោះថ្នាក់ចារចារណ៍នៅស្រុកឆែប ខេត្តព្រះវិហារ បន្ទាប់ពីត្រឡប់មកពីចូលរួមកម្មវិធីសម្ពោធ និងសំណង់សិល្បករផ្សេងៗ។ សពឪពុកម្ដាយតារាចម្រៀងស្រីរូបនេះ នឹងត្រូវបូជានាថ្ងៃទី ១៩ ខែឧសភា វេលាម៉ោង ៤ រសៀល។
សូមតាមដានទស្សនាវីដេអូនេះ៖
អត្ថបទពាក់ព័ន្ធ៖
ព្រះនាងតូច នរោត្តម ជេនណា សោកសៅខ្លាំង បាត់បង់ជីដូនបង្កើត អ្នកម្នាង ឌួង ឌីយ៉ាត
អាណិតណាស់! ជា សុជាតិ (ក្មេងខ្មែរ) កំព្រាឪពុកហើយពេលនេះបាត់បង់អ្នកម្ដាយថែមទៀត…
គឿន នភាល័យ កំពុងជួបទុក្ខធំ ព្រោះលោកឪពុកឯកឧត្តមសន្តិបណ្ឌិត ឌុល គឿន បានទទួលមរណកាល