តារាមច្រៀងល្បី Cody Simpson បានបង្ហាញឱ្យមតិសាធារណៈបានឃើញថាលោកគឺជាមនុស្សមានសមត្ថភាព ច្រើនផ្នែក ក្រោយពេលដែលលោកបានដណ្ដើមបានកៅអីជាសមាជិកក្នុងក្រុមហែលទឹកអូស្ត្រាលី។
យោងតាមសារព័ត៌មាន TMZ តារាចម្រៀងរូបនេះបានប្រកួតបញ្ចប់វិញ្ញាសាមេអំបៅ១០០ម៉ែត្រដោយជាប់បានចំណាត់ថ្នាក់លេខ៣ ក្នុងការប្រកួត Australian Championships។ ពេលនេះ Cody នឹងបន្តប្រកួតនៅក្នុងកម្មវិធី Commonwealth នៅរដូវក្ដៅនេះ។
តារាចម្រៀងរូបនេះចាប់ផ្ដើមមានឈ្មោះល្បីតាំងពីយុវវ័យក្រោយគេបានថតដាក់ក្របមុខរបស់ Youtube។ បុរសសង្ហារូបនេះបានបញ្ចេញអាល់ប៊ុមចម្រៀងចំនួន ៤ រួមមាន៖ Paradise (2012) Surfer’s Paradise (2013) Free (2015) និង Cody Simpson (2022)
តាមពិត Cody Simpson ដែលជាអតីតមិត្តប្រុសរបស់ Miley Cyrus មានសមត្ថភាពផ្នែកកីឡាហែលទឹកមុននឹងក្លាយជាតារាចម្រៀងល្បីទៀត។ យោងតាម Olympics.com បានចងក្រងទុកថា Cody Simpson ក្នុងវ័យត្រឹមតែ១២ឆ្នាំ និង១៣ឆ្នាំ ទទួលបានពានរង្វាន់ National Age Group Champion។ ទោះជាអាជីពហែលទឹករបស់លោកមានភាពរុងរឿងប៉ុន្តែនៅពេលដែលលោកផ្លាស់ទៅរស់នៅ Los Angeles កាលពីយុវវ័យ។
យ៉ាងណាមិញប៉ុន្មានឆ្នាំចុងក្រោយនេះ Cody បានត្រលប់មកហែលទឹកឡើងវិញ ចាប់ផ្ដើមក្ដីស្រលាញ់ការហែលទឹករបស់លោកឡើងវិញ។ឆ្នាំមុនលោកបានជាប់ក្នុងកម្មវិធី Olympic។
«ខ្ញុំសូមចែករំលែកនូវរឿងរ៉ាវដ៏អស្ចារ្យផ្ទាល់ខ្លួន ហើយនាំអ្នកទាំងអស់គ្នាមកដើរលើវិថីជាអត្តពលិកដែលខ្ញុំតែងតែលាក់រហូតមកដល់ឥឡូវនេះ។ នេះគឺជាការលើកឡើងរបស់លោកនៅលើ Instagram ដើម្បីអបអរសាទរជោគជ័យរបស់លោក។