ក្រោយជួបហេតុការណ៍ដ៏រន្ធត់ និងសោកសៅបំផុតនៅពេលបាត់បង់ ឪពុកម្ដាយ ត្រឹមពេលខ្លី ៥នាទីឱ្យគត់ តារាចម្រៀង សុវត្ថិឌី ធារិកា ហាក់ដូចជាមនុស្សដែលគ្មានព្រលឹងនៅក្នុងខ្លួន។ សុវត្ថិឌី ធារិកា យំសោកបោកខ្លួនឡើងខ្សោះទឹកភ្នែក អស់កម្លាំងពីក្នុងខ្លួនរលីង រហូតបណ្ដាលឱ្យនាងដួលសន្លប់ជាច្រើនដងនៅក្នុងថ្ងៃពិធីបុណ្យសពឪពុកម្ដាយ។
មានហ្វេនលើកឡើងថា មនុស្សធ្លាប់តែគោរពស្រឡាញ់ និងជាក្តីសង្ឃឹមមួយនៃជីវិត បែរជាសុខៗទៅជាបែកគ្នា លែងវិលវិញ ហើយភ្លាមៗបែបនេះ តើអ្នកណាទទួលយកបានទៅ?
ការចាកចេញទៅយ៉ាងស្រស់ៗរបស់ ឪពុកម្តាយ សុវត្ថិឌី ធារិកា ពិតណាស់បន្តឱ្យកូនស្រី និងប្អូនប្រុស ពិបាកតាំងជំហរ ហើយនៅតែមិនអាចកាត់ចិត្តបាន បើទោះជាមានការជម្រុញលើកទឹក ចិត្តពីមហាជន និងសិល្បករជាច្រើនបែបណា អារម្មណ៍ដិតដាមពិបាកណាស់ មិនដឹងជាធ្វើបែបណា អាចបំភ្លេចកើតឡើយ។ ជាពិសេស សុវត្ថិឌី ធារិកា ត្រូវប្រឈមនឹងការបាត់បង់ ភាពឯកា វិបត្តិផ្លូវចិត្ត និងសម្ពាធផ្លូវជីវិតដ៏វែងឆ្ងាយ។
ហ្វេនបានឡើកលើកថា នៅពេលដែលកាន់តែឃើញពីស្ថានភាពរបស់ សុវត្ថិឌី ធារិកា កាន់តែខ្លោចចិត្តអាណិត និងកាន់តែឃើញកាន់តែយំតាមតារាស្រីរូបនេះទៅទៀត។ ជាពិសេសទៀតនោះ ត្រង់ពាក្យដែលតារាស្រីរូបនេះបាននិយាយជាដដែលៗថា «.. ត្រឹម5នាទីបាត់បង់ប៉ាម៉ាក់ ត្រូវក្លាយជាក្មេងកំព្រាភ្លាម លែងមានប៉ាម៉ាក់ហៅដូចគេទៀតហើយ…»។ ព្រះអើយ! ស្ដាប់ហើយគឺរឹតតែឈឺចាប់ណាស់ តើមានអ្នកណាទទួលយកបាន😭😢💔?
ហ្វេនបានលើកឡើងទៀតថា មានអ្នកលេងបណ្ដាញសង្គមខ្លះបានយករឿងនេះទៅប្រធៀបជាមួយជាមួយរឿងក្ដីរបស់តារាថៃ តេងម៉ូ ដែលគេមើលឃើញថា វប្បធម៌ប្រៀបធៀបបែបនេះមិនគួរឱ្យលើកឡើងមកនិយាយសោះឡើយ។ ហ្វេនអះអាងថា មិនថាតារាល្បីកម្រិតតូចធំ ល្បីលំដាប់ប្រទេសប៉ុណ្ណាក៏ដោយចុះ ត្រឹមតែទៅចូលរួមបុណ្យដល់កន្លែងផ្ទាល់ ឬផ្ញើសាររំលែកទុក្ខទៅបានហើយ មិនចាំបាច់អីប្រៀបធៀបនោះទេ។
ហ្វេនសង្ឃឹមថា នៅពេលដែល តារាចម្រៀង សុវត្ថិឌី ធារិកា កំពុងមានវិបត្តិផ្លូវចិត្ត និងរងសម្ពាធក្នុងជីវិតបែបនេះ ជាសំណូមពរគឺ កុំឱ្យមានការលើកឡើងបែបប្រៀបធៀប ដែលនាំឱ្យនាងកាន់តែបាក់ទឹកចិត្តថែមទៀត។
ចុះហ្វេនទាំងអស់គ្នា គិតបែបណាដែរ?
ព័ត៌មានពាក់ព័ន្ធរឿងរ៉ាវ សុវត្ថិឌី ធារិកា ៖
មកដឹងលម្អិត! ត្រឹម ៥នាទី សុវត្ថិឌី ធារិកា បាត់បង់ឪពុកម្ដាយដោយសារគ្រោះថ្នាក់ចរាចរណ៍
សពឪពុកម្ដាយតារាចម្រៀង សុវត្ថិឌី ធារិកា បូជានៅវត្តស្ទឹងមានជ័យ ម៉ោង ៤ រសៀលថ្ងៃស្អែកនេះ
ត្រឹមពាក់កណ្ដាលខែ ឧសភា សិល្បករសិល្បការិនី ៤ដួង បានបាត់បង់សាច់ញាតិជាទីគោរពស្រឡាញ់
