ពានរង្វាន់លីគបាល់ទះទម្រង់៤នាក់ទល់៤នាក់ Ganzberg Special Volleyball League 2022 នឹងបន្តប្រកួតនៅចុងសប្ដាហ៍នេះ មានចំនួន៤គូទៀត នៅលើទីលានបាល់ទះកីឡដ្ឋានព្រីនស៍ ក្នុងរាជធានីភ្នំពេញ។
ថ្ងៃសុក្រ ទី២០ ខែឧសភា ឆ្នាំ២០២២
គូទី១៖ រដ្ឋបាលរាជធានីភ្នំពេញ ប្រកួតជាមួយ កងពលតូចអន្តរាគមន៍លេខ៩
គូទី២៖ នាយកដ្ឋានលិខិតឆ្លងដែន ប្រកួតជាមួយ ក្រុមកីឡាបាល់ទះ VONG PLUS
ថ្ងៃសៅរ៍ ទី២១ ខែឧសភា ឆ្នាំ២០២២
គូទី១៖ ក្រុមបាល់ទះ SPORT KPC ប្រកួតជាមួយ នាយកដ្ឋានលិខិតឆ្លងដែន
គូទី២៖ ស្នងការដ្ឋាននគរបាលខេត្តព្រៃវែង ប្រកួតជាមួយ ក្រុមកីឡាបាល់ទះយុវជនស្រុកល្វាឯម
ពានរង្វាន់ Ganzberg Special Volleyball League 2022 មាន១៣ក្រុមចូលរួមប្រកួតវិលជុំសន្សំពិន្ទុ ដោយរៀបចំប្រកួតរាល់ថ្ងៃសុក្រ និងសៅរ៍ រាល់សប្ដាហ៍នីមួយៗ ចាប់ពីថ្ងៃទី២៥ ខែមីនា ដល់ថ្ងៃទី១៩ ខែសីហា ឆ្នាំ២០២២ នៅទីលានបាល់ទះកីឡដ្ឋានព្រីនស៍ ក្នុងរាជធានីភ្នំពេញ វេលាម៉ោង២រសៀលតទៅ។
ក្រុមចូលរួមទាំង១៣មាន៖១.កងពលតូចអន្តរាគមន៍លេខ៩ ២.ក្រុមបាល់ទះ Vong Plus ៣.ក្លិបបាល់ទះយុវជនស្រុកល្វាឯម ៤.សមាគមកីឡាបាល់ទះវិសាខា ៥.ក្លិបកីឡាបាល់ទះខេត្តកំពង់ស្ពឺ ៦.ក្រុមកីឡាបាល់ទះ Sport KPC ៧.ស្នងការនគរបាលខេត្តព្រៃវែង ៨.កងពលធំអន្តរាគមន៍លេខ៣ ៩.ស្នងការដ្ឋាននគរបាលខេត្តតាកែវ ១០.នាយកដ្ឋានលិខិតឆ្លងដែន ១១.ក្រសួងមហាផ្ទៃ ១២.រដ្ឋបាលរាជធានីភ្នំពេញ និង១២ ក្រុមបាល់ទះ P.S Concrete។
ក្រុមដែលឈ្នះជើងឯកនឹងទទួលបានពាន១ មេដាយមាសម្នាក់១ និងថវិការ២០លានរៀល ហើយក្រុមជើងឯករង ទទួលបានមេដាយប្រាក់ម្នាក់១ អមដោយថវិកា៨លានរៀល ក្រុមចំណាត់ថ្នាក់លេខ៣ទទួលបានមេដាយសំរឹទ្ធម្នាក់១ អមដោយថវិកា៤លានរៀល។ ជាមួយគ្នានោះដែរក៏មានការដាក់ពិន្ទុប្រគល់ពានឯកត្តជនជូនដល់កីឡាករឆ្នើម,កីឡាករវាលវាយប្រយុទ្ធល្អជាងគេ, កីឡាករលើកបាល់បានល្អជាងគេ, កីឡាករវាយសេវាល្អជាងគេ, កីឡាករធ្វើរនាំងល្អជាងគេ និងក្រុមដែលប្រកួតយុត្តិធម៌ល្អជាងគេ អមដោយពានតូចម្នាក់១និងថវិកា៨សែនរៀល៕
