គិតត្រឹមល្ងាចថ្ងៃសុក្រ ទី២២ ខែឧសភា ឆ្នាំ២០២២ នេះអត្តពលិករបស់កម្ពុជា រកបានមេដាយមាសចំនួន៧គ្រឿងហើយ ក្នុងព្រឹត្តិការណ៍កីឡាស៊ីហ្គេមលើកទី៣១ នៅរដ្ឋធានីហាណូយ ប្រទេសវៀតណាម ដែលរកបានដោយកីឡាករ អេវីរៈ ខាំឈីតភូថង (ម៉ឺន មេឃា) លើផ្នែកកីឡាវ៉ូវីណា។
កីឡាករ អេវីរៈ ខាំឈីតភូថង ប្រកួតផ្នែកប្រយុទ្ធលើវិញ្ញាសារទម្ងន់ ៦០គីឡូក្រាម ដោយបានយកឈ្នះលើកីឡាករហ្វីលីពីន ពិន្ទុ៧ទល់២ ក្នុងវគ្គផ្ដាច់ព្រ័ត្រ។
ដូច្នេះកម្ពុជា ដណ្តើមបានមេដាយមាសចំនួន៧ហើយ បន្ទាប់ពី៖
១)មេដាយមាស រកបានដោយកីឡាករទូច រ៉ាឆាន់ កីឡាករផ្នែក Kick Boxing ទម្ងន់៥៧គីឡូក្រាម
២) មេដាយមាសរកបានដោយកីឡាប៉េតង់ វិញ្ញាសាវាយគូចម្រុះ (បុរស-នារី) កីឡាករ វង់ ចន្ថា និងកីឡាការិនី វង ស៊ីន
៣) មេដាយមាស រកបានដោយកីឡាតេក្វាន់ដូ WTF ទម្ងន់៧៤គីឡូក្រាម ដោយកីឡាករ វ៉ា មិថុនា
៤) មេដាយមាសរកបានដោយកីឡាវ៉ូវីណាម វិញ្ញាសាសម្ដែងការពារខ្លួនចម្រុះ នារី១ បុរស៣ មានអាវុធ ជាមួយពិន្ទុ២៦៩ កីឡាករិនី ប៉ាល់ ឆរស្មុី រួមជាមួយ កីឡាករ លី បូរ៉ាមី, ជ្រិន ប៊ុនឡុង, កីឡាករ ប្រាក់ សុវណ្ណនី។
៥) មេដាយមាសរកបានដោយកីឡាចំបាប់ វិញ្ញាសាបុរសទម្ងន់១២៥គីឡូក្រាម របស់កីឡាករ ស៊ូ បាលី
៦) មេដាយមាសរកបានដោយកីឡាប៉េតង់ វិញ្ញាសា នារី ៣នាក់ ទល់ ៣នាក់ ដោយកីឡាការិនី អ៊ុន ស្រីយ៉ា, ស៊្រាង សុរ៉ាឃីម, ឃួន យ៉ារី, ដួង ឌីណា