ពានរង្វាន់បាល់ទះធំជាងគេប្រចាំទ្វីបអាហ្រ្វិក CAF Champion League 2022 បានរកឃើញម្ចាស់ជើងឯកហើយនៅថ្ងៃទី៣០ ខែឧសភាឆ្នាំ២០២២ នេះដោយបានទៅលើក្រុម Wydad AC មកពីប្រទេសម៉ារ៉ុក ក្រោយយកឈ្នះលើក្រុម Al Ahly របស់អេហ្ស៊ីប ក្នុងវគ្គផ្ដាច់ព្រ័ត្រ នៅកីឡដ្ឋាន Stade Mohammed V ក្នុងទីក្រុង Casablanca ប្រទេសម៉ារ៉ុក។
កីឡាករ El Moutaraji បានរកគ្រាប់បាល់២គ្រាប់ម្នាក់ឯង ក្នុងប្រកួតដែលមានទស្សនិកជនចូលទស្សនាផ្ទាល់ប្រមាណ៤៥០០០នាក់ ខណៈលទ្ធផលសរុបក្រុម Wydad AC យកឈ្នះ Al Ahly ដោយលទ្ធផល២ទល់០។ យ៉ាងណាក្តីលោកអាជ្ញាកណ្ដាល Victor Gomes បានពិន័យកាតក្រហមកីឡាករបម្រុង Rami Rabia របស់ក្រុម Al Ahly នៅនាទី៩០+២ ផងដែរ។
នេះជាលើកទី៥ហើយដែលក្រុម Al Ahly របូតពានជើងឯកទ្វីបអាហ្រ្វិក ខណៈក្រុមនេះជាក្រុមដែលឈ្នះជើងឯកបានច្រើនជាងគេបង្អស់ប្រចាំទ្វីប ពោលគឺ១០លើកម្នាក់ឯង ហើយក្រុមនេះក៏ជាម្ចាស់ជើងឯកឆ្នាំចាស់២០២០ និង២០២១ ផងដែរ។ ចំណែកក្រុម Wydad AC ដណ្តើមបានជើងឯកចំនួន៣លើកហើយនៅឆ្នាំ១៩៩២,១៩៩៧ និង២០២២ នេះតែម្តង៕
វីដេអូហាយឡាយនៃការប្រកួតវគ្គផ្ដាច់ព្រ័ត្រ៖
វីដេអូនៃការប្រកួតពេញ៖
