កីឡាការិនី Sandra Hill កូនកាត់ខ្មែរ-អូស្ត្រាលី វ័យ២៣ឆ្នាំ ដែលមានកម្ពស់១ម៉ែត្រ៧៣ អាចលេងតំណែងជាខ្សែការពារ និងជាខ្សែប្រយុទ្ធ កន្លងមកនាងក៏ធ្លាប់ជួយក្រុមជម្រើសជាតិកម្ពុជា ក្នុងពានរង្វាន់ AFF Women’s Championship កាលពីឆ្នាំ២០១៨ផងដែរ។
Sandra Hill កើតប្រទេសកម្ពុជា ដែលមានឪពុកជាជនជាតិអូស្ត្រាលី និងម្តាយជាជនជាតិខ្មែរ ឈ្មោះ ប្រាក់ ចិន្តា អតីតកីឡាករបាល់ទះជម្រើសជាតិនារី និងជាប្អូនស្រីបង្កើតរបស់លោក ប្រាក់ សុវណ្ណារ៉ា។
បច្ចុប្បន្នកីឡាការិនី Sandra Hill កំពុងប្រកបអាជីពនៅក្រុម Grand Canyon សាកលវិទ្យាល័យសហរដ្ឋអាមេរិក អស់រយ:ពេល៥ឆ្នាំមកហើយ ពោលគឺចាប់តាំងពីឆ្នាំ២០១៧-២២ ដោយបង្ហាញខ្លួនបាន ៦០ប្រកួត ស៊ុតបញ្ចូលទីបាន១គ្រាប់។
ក្រុមជម្រើសជាតិនារី នឹងចូលរួមក្នុងពានរង្វាន់បាល់ទាត់នារីអាស៊ីអាគ្នេយ៍ AFF Women’s Championship 2022 ដែលគ្រោងនឹងធ្វេីការប្រកួតពីថ្ងៃទី០១ ដល់ថ្ងៃទី១៤ ខែកក្កដា ឆ្នាំ២០២២ នៅប្រទេសហ្វីលីពីន៕