ក្រុមបាល់ទាត់ Vissel Kobe ដែលមានខ្សែបម្រើជើងចាស់ Andres Iniesta ជាប្រធានក្រុម និងលោក Miguel Ángel Lotina ជាគ្រូបង្វឹក ហាក់ធ្វើមិនសូវបានល្អសោះឡើយ រដូវកាលនេះនៅលីគកំពូលរបស់ប្រទេសជប៉ុន។
បច្ចុប្បន្ន Vissel Kobe កំពុងស្ថិតនៅបាតតារាង J1 League លីគកំពូលរបស់ប្រទេសជប៉ុន ក្រោយឆ្លងកាត់១៦ប្រកួត ឈ្នះ២ ស្មើ៥ និងចាញ់៩ដង មានត្រឹមតែ១១ពិន្ទុប៉ុណ្ណោះ។
ខណ:នៅក្នុងពានរង្វាន់ AFC Champion League 2022 ក្រុមបាល់ទាត់ Vissel Kobe ធ្វើបានល្អជាងនៅ លីគកំពូលរបស់ប្រទេសជប៉ុន ដោយអាចឡើងទៅកាន់វគ្គ១៦ក្រុមចុងក្រោយ។
*តំបន់អាស៊ីខាងកើត ជើងទី១ ប្រកួតចន្លោះថ្ងៃទី៨-៩ ខែសីហា ឆ្នាំ២០២២៖
គូទី១) Daegu FC (កូរ៉េខាងត្បូង) vs (កូរ៉េខាងត្បូង) Jeonbuk Hyundai Motors
គូទី២) BG Pathum United (ថៃ) vs (ហុងកុង) Kitchee
គូទី៣) Johor Darul Ta’zim (ម៉ាឡេស៊ី) vs (ជប៉ុន) Urawa Red Diamonds
គួទី៤) Vissel Kobe (ជប៉ុន) vs (ជប៉ុន) Yokohama F. Marinos៕
