កាលពីម្សិលមិញនេះរឿងរ៉ាវម្ចាស់សណ្ឋាគារបង្កប់កាំមេរ៉ាក្នុងបន្ទប់គេងដែលតារាសម្ដែងអ្នកនាង ដេននី ក្វាន់បានបង្ហោះលើគណនីរបស់អ្នកនាងមានការចាប់អារម្មណ៍យ៉ាងច្រើន ហើយក៏មានបណ្ដាញសារព័ត៌មានជាច្រើនបានផ្សព្វផ្សាយពីរឿងនេះ។ លោក Pao Ploy ដែលជាតារាចម្រៀង Original មួយរូបក្នុងនាមជាមិត្តអ្នកសិល្បៈផងនោះបានចេញមកថ្កោលទោសចំពោះទង្វើរបស់ម្ចាស់សណ្ឋាគារខាងលើនេះដូចគ្នា។
ក្រោយរឿងបង្កប់កាំមេរ៉ាផ្ទុះសាយភាយនិងត្រូវចែកចាយបន្តគ្នាលើបណ្ដាញសង្គមលោក Pao Ploy បានចេញមកប្រតិកម្មចំពោះទង្វើរបស់ម្ចាស់សណ្ឋាគារនេះយ៉ាងដូច្នេះថា៖
«ប៉ះអ្នកណាមិនប៉ះទៅប៉ះស្រីស្អាត #ដេនីខ្វាន់ ម្ចាស់ផ្ទះសំណាក់នេះនិយាយចេញមកដូចឆ្គួតចឹង សួរគេដេកប៉ុន្មាននាក់ក្នុងបន្ទប់នឹង ចាំបាច់សួរគេធ្វើអី គេជួលបន្ទប់អ្នកឯងគេចង់ដេកប៉ុន្មាននាក់ប្រុសឬស្រីជាសិទ្ធិរបស់គេ អ្នកឯងដាក់កាំមេរាក្នុងបន្ទប់គេដេកនឹងមានន័យយ៉ាងម៉េច? ចុះបើប្ដីប្រពន្ធឬគេមានដៃគូធ្វើអីក្នុងបន្ទប់នឹងអ្នកឯងមិនថតខ្ទេចខ្ទីហើយទេអី ដឹងតារឿងធំហើយ! ម៉ាអារោគចិត្តនេះ! »
មុននឹងបង្ហោះសំណេរខាងលើលោកបានបន្តបង្ហោះជាសំណេរមួយដែលមានអត្ថន័យទាំងស្រុងយ៉ាងដូច្នេះផងដែរ៖
សូមបញ្ជាក់ផងដែរថាករណីនេះជាសំណុំរឿងចាស់ តាំងពីខែតុលា ឆ្នាំ២០២០ ដែលតុលាការបានសម្រេចក្តីរួចហើយ ខណៈជនដែលពាក់ព័ន្ធនឹងការបង្កប់កាំមេរ៉ាក្នុងបន្ទប់សណ្ឋាគារ ក៏កំពុងតែអនុវត្តទោសក្នុងពន្ធនាគារនៅឡើយ៕