ក្រុមបាល់ទះនារីក្នុងសាលរបស់ថៃ ដែលជាម្ចាស់មេដាយមាសកីឡាស៊ីហ្គេមឆ្នាំ២០២២ ថ្មីនៅប្រទេសវៀតណាម ពេលនេះកំពុងតែអុកឡុកពិភពលោក ក្នុងព្រឹត្តិការណ៍ 2022 FIVB Volleyball Women’s Nations League នៅប្រទេសទួរគី។
នៅក្នុងព្រឹត្តិការណ៍ 2022 FIVB Volleyball Women’s Nations League ដែលមានក្រុមចូលរួមចំនួន១៦ក្រុមមកពីជុំវិញពិភពលោក ខណៈប្រកួតកន្លងមករបស់ថៃមានលទ្ធផលដូចជា៖
-ថៃ ៣-០ ប៊ុលហ្គារី (២៥-២០,២៥-២២,២៥-២០)
-ថៃ ៣-២ ស៊ែប (២៥-២៣,២៥-២៧,២៥-២០,២៥-២០,១៥-១២)
-ថៃ ២-៣ បែលហ្ស៊ិក (២២-២៥,២៥-១៨,២៥-២៣,២១-២៥,១៣-១៥)
-ថៃ ៣-២ ចិន (២៥-២៣,១៣-២៥,១៤-២៥,២៥-២៣,១៥-១១)
សម្រាប់ការប្រកួតបន្តរបស់ថៃមាន៖
សប្ដាហ៍ទី២
១៤ មិថុនា កាណាដា ប៉ះ ថៃ
១៦ មិថុនា ប៉ូឡូញ ប៉ះ ថៃ
១៧ មិថុនា ជប៉ុន ប៉ះ ថៃ
១៩ មិថុនា ថៃ ប៉ះ អាមេរិក
សប្ដាហ៍ទី៣
២៨ មិថុនា ថៃ ប៉ះ កូរ៉េខាងត្បូង
៣០ មិថុនា ថៃ ប៉ះ Dominican Republic
២ កក្កដា ប្រេស៊ីល ប៉ះ ថៃ
៣ កក្កដា ថៃ ប៉ះ អ៊ីតាលី
ព្រឹត្តិការណ៍ 2022 FIVB Volleyball Women’s Nations League ធ្វើឡើងនៅទីក្រុង Ankara ចាប់ពីថ្ងៃទី៣១ ខែឧសភា ដល់ថ្ងៃទី១៧ ខែកក្កដា ឆ្នាំ២០២២ ដោយជ្រើសរើសក្រុមខ្លាំង១៦មកពី៤ទ្វីបផ្សេងគ្នា។
សម្រាប់លទ្ធផលកាលពីឆ្នាំចាស់ធ្វើឡើងនៅទីក្រុង Rimini ប្រទេសអ៊ីតាលី ខណៈជើងឯកបានទៅក្រុមអាមេរិក ហើយប្រេស៊ីល ជាម្ចាស់ជើងឯករង និងក្រុមទួរគី ឈរលេខ៣។ សហព័ន្ធកីឡាបាល់ទះអន្តរជាតិ បង្កើតពានរង្វាន់ FIVB Volleyball Women’s Nations League រៀបចំពីឆ្នាំ២០១៨ មក ដោយជើងឯកបានទៅសហរដ្ឋអាមេរិក ចំនួន៣លើក ហើយ១លើកនៅឆ្នាំ២០២០ ត្រូវរំសាយ ដោយសារស្ថានភាពជំងឺកូវីដ-១៩ រីករាលដាល៕
