តារាចម្រៀងកូឡំប៊ី Shakira និងតារាបាល់ទាត់ Gerard Piqué របស់ក្រុម Barcelona បានប្រកាសលែងលះគ្នាជាសាធារណៈ។ នៅក្នុង Statement ដែលចេញដោយភ្នាក់ងារសារព័ត៌មានអេស្ប៉ាញ EFE តាមរយៈអ្នកតំណាងរបស់ Shakira បានប្រកាសពីថ្ងៃសៅរ៍កន្លងមកថានាងនិង Piqué បានសម្រេចចិត្តដើរផ្លូវបំបែកក្រោយរស់នៅជាមួយគ្នាជាងមួយទស្សវត្សរ៍។ ស្របនឹងដំណឹងលែងលះគ្នានេះក៏មានលេចឮពាក្យចចាមអារ៉ាមថា Piqué មិនស្មោះត្រង់ហើយមានស្នេហាលួចលាក់ជាមួយនឹងម្ដាយរបស់ Gavi ជាអ្នកលេងបាល់វ័យក្មេងរបស់ក្លិប Barcelona ប៉ុន្តែរឿងនេះមិនមែនជាការពិតនោះឡើយ។
តើទ្រព្យសម្បត្តិរបស់អ្នកទាំងពីរមានចំនួនប៉ុន្មាន? តើទ្រព្យសម្បត្តិនេះត្រូវបែងចែកគ្នាបែបណា?
យោងតាមគេហទំព័រ celebritynetworth.com តារាចម្រៀង Shakira មានទ្រព្យសម្បត្តិ ៣០០លានដុល្លារ ខណៈដែល ៨០លានដុល្លារ។ អ្នកទាំងពីរជាម្ចាស់ផ្ទះវីឡាតម្លៃ៥លានអ៊ឺរ៉ូនៅ Barcelona ព្រមទាំងមានទីធ្លាសួនច្បារធំទូលាយ។
សម្រាប់ Piqué មានក្រុមហ៊ុន Kosmos Holdings បានបណ្ដាក់ទុនទិញក្លិបបាល់ទាត់ចំនួន២នៅអេស្បា៉ញ FC Andorra និង Gimnàstic Manresa
ចំណែកឯ Shakira វិញមានផ្ទះនៅ Miami តម្លៃ ១១.៦លាន។ ថ្វីត្បិតតែអ្នកទាំងពីររស់នៅជាមួយគ្នានៅ Barcelona ប៉ុន្តែ Piqué ច្រើនតែរស់នៅក្នុងផ្ទះល្វែងក្បែរកន្លែងហ្វឹកហាត់។
Shakira ក៏កំពុងតែស្ថិតក្នុងការស៊ើបអង្កេតករណីបង្កកប្រាក់ពីរដ្ឋាភិបាលអេស្ប៉ាញផងដែរ។ ចំពោះរឿងតើទ្រព្យ របស់អ្នកទាំងពីរនឹងចែកគ្នាដោយបែបណានោះ អ្នកវិភាគមួយចំនួនលើកឡើងថាមិនមែនជារឿងលំបាកអ្វីនោះទេ ដោយសារតែអ្នកទាំងពីររស់នៅជាមួយគ្នាជាលក្ខណៈសង្សារ និងមានចុះសំបុត្រអាពាហ៍ពិពាហ៍អ្វីនោះឡើយ ហេតុនេះទ្រព្យសម្បត្តិជាកម្មសិទ្ធរៀងៗខ្លួន។ ខណៈដែលអ្នកខ្លះទៀតលើកឡើងថាទ្រព្យសម្បត្តិនេះមិនត្រូវបានទម្លាយចេញមកខាងក្រៅនោះឡើយ៕
ប្រភព៖ AS USA