បើនិយាយដល់បទចម្រៀងពេញនិយមក្នុងស្រទាប់យុវវ័យបច្ចុប្បន្នបទចម្រៀងញាក់កន្ត្រាក់អារម្មណ៍ «រង្គើ» ដែលជាបទចម្រៀងចាប់ដៃគូគ្នាច្រៀងរវាងតារាចម្រៀងរ៉ែប ពូឃ្លាំង និងតារាចម្រៀងសិចស៊ីចង្កេះអ៊ែម រ៉ាប៊ី គឺជាបទមួយដែលមានការគាំទ្រច្រើនពីសំណាក់អ្នកគាំទ្រ។ ក្រោយបទចម្រៀងញាក់មួយបទនេះចាប់បានបេះដូងអ្នកគាំទ្រជាច្រើនហើយនោះ ពូឃ្លាំងស្រាប់តែចេញមកព្រលយថានឹងមានបទចម្រៀងថ្មីច្រៀងរួមជាមួយនឹងកញ្ញា រ៉ាប៊ី។
នៅក្នុងការផុសមួយរបស់ពូឃ្លាំងនៅលើបណ្ដាញសង្គមកាលពីពេលថ្មីៗនេះ ពូឃ្លាំងបានហៅរ៉ាប៊ី ថាកូនប្រសារពេញមាត់ ហើយបានព្រលយទៀតថាជូនតាមសំណូមពរហ្វេន លោកនឹងមានបទចម្រៀងថ្មីមួយបទទៀតត្រៀមចេញជាមួយនឹងរ៉ាប៊ីនៅក្នុងពេលឆាប់ៗនេះ។
«ថតជាមួយកូនប្រសារ ជូនតាមសំណូមពរ បទមួយមិនគ្រាន់ ចឹងថែមមួយបទទៀត….ឆាប់ៗនេះ បទថ្មីជាមួយ Rabee»
ប្រិយមិត្តអ្នកអានដែលជាអ្នកគាំទ្រពូឃ្លាំងនិងរ៉ាប៊ីកុំភ្លេចតាមដានទាំងអស់គ្នា តើពូឃ្លាំង និងរ៉ាប៊ីនឹងមានអ្វីពិសេស?