លោកគ្រូ មាស ចាន់ណា គ្រូបង្វឹកក្លិបបាល់ទាត់វិសាខា ចាត់ទុកជ័យជម្នះរបស់កាលពីម្សិលមិញ ជាសញ្ញាណមួយ បង្ហាញថាបាល់ទាត់កម្ពុជា កំពុងរីកចម្រើនទៅមុខ។
នេះបើយោងតាមការលើកឡើងក្នុងសន្និសីទសារព័ត៌មាន ក្រោយចប់ការប្រកួតជាមួយក្រុមម្ចាស់ផ្ទះ Bali United ដែលវិសាខាបានយកឈ្នះ ក្នុងលទ្ធផល ៥-២ ពានរង្វាន់ AFC Cup 2022 ពូល G។
លោក មាស ចាន់ណា លើកឡើងដូច្នេះថា៖«ថ្ងៃនេះ ខ្ញុំសប្បាយរីករាយមែនទែនដែលក្រុមរបស់យើងធ្វើបានល្អមែនទែន។ ការប្រកួតឈ្នះថ្ងៃនេះ គឺជាសញ្ញាណមួយដែលបង្ហាញ មិនត្រឹមតែក្លិបកីឡាបាល់ទាត់វិសាខា នោះទេ គឺបង្ហាញដល់ប្រទេសកម្ពុជាទាំងមូលថា វិស័យបាល់ទាត់កម្ពុជាកំពុងតែរីកចម្រើនទៅមុខ»៕