ភ្នំពេញ៖ បុរសជនបរទេសម្នាក់បើក រថយន្តស៊េរីទំនើបមួយគ្រឿង ក្នុងស្ថានភាពល្បឿនលឿន ទៅបុកផ្ទប់រថយន្តប្រមូលសំរាមពីក្រោយពេញទំហឹង បណ្តាលឲ្យកៀបជាប់កម្មករម្នាក់ រងរបួសបាក់ជើងទាំងសង្ខាង និងម្នាក់ទៀតរងរបួសស្រាល ។
ហេតុការណ៍មួយនេះបានកើតឡើងកាលពីវេលាម៉ោង៩ និង៣០ នាទីយប់ថ្ងៃទី២៨ ខែមិថុនា ឆ្នាំ២០២២ ស្ថិតតាមបណ្តោយផ្លូវជាតិលេខ៦A ខាងជើងរបងវត្តព្រែកលៀប ក្នុងសង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ ។
យោងទៅតាមប្រភពព័ត៌មានពីកន្លែងកើតតហេតុបានបញ្ជាក់ក្រុមកាងារឲ្យបានដឹងថា៖ មុនពេលកើតហេតុ គេ បានឃើញរថយន្តប្រមូលសំរាមរបស់ក្រុម ៨០០super បានបើកប្រមូលសំរាមនៅតាមបណ្ដោយផ្លូវជាតិលេខ៦A ក្នុងទិសដៅពីត្បូងទៅជើង ក្នុងល្បឿនយឺតៗ ដោយមានកម្មករចំនួន ០២នាក់ជាអ្នកលើកសំរាម បោះចូលក្នុងរថយន្ត ។
ខណៈពេលដែលរថយន្តប្រមូលសំរាម ធ្វើដំណើរមកដល់ចំនុចកើតហេតុ ក៏ស្រាប់តែមានរថយន្តស៊េរី ទំនើបមួយគ្រឿង បានធ្វើដំណើរស្របទិសគ្នាពីក្រោយមក ក្នុងស្ថានភាពបោះពួយយ៉ាងលឿន ក៏ជ្រុលមកបុកផ្ទប់រថយន្តប្រមូលសំរាមពីក្រោយពេញទំហឹង បណ្តាលឲ្យកៀបជាប់កម្មករម្នាក់ជាប់ដែកខាងក្រោយ រងរបួសធ្ងន់ធ្ងរបាក់ជើងខ្ទេចទាំងសង្ខាង និងកម្មករម្នាក់ទៀត ទទួលរងរបួសស្រាល ។
រថយន្តបង្កម៉ាក TOYOTA INNOVA ពណ៌ប្រផេះ ពាក់ស្លាកលេខភ្នំពេញ 2BC-1190 បើកបរដោយបុរសជនជាតិចិនម្នាក់ មិនស្គាល់អត្តសញ្ញាណ ។
ភ្លាមៗនោះក៏មានរថយន្តសាមុយបានមកដល់ចំណុចកើតហេតុរួចបានដឹកកម្មករ រងគ្រោះទាំង២ ទៅកាន់មន្ទីរពេទ្យដើម្បីធ្វើការសង្គ្រោះបន្ទាន់ភ្លាមៗ។
ជនរងគ្រោះ មានឈ្មោះ រ័ត្ន រ៉ាត់ អាយុ ៣១ឆ្នាំ ជាបុគ្គលិកប្រមូលសំរាម របស់ក្រុម ៨០០០ super របួសបាក់ជាពីរកំណាត់ ទាំងសង្ខាង អាចនឹងពិការមួយជីវិត។
រថយន្តបង្កម៉ាក TOYOTA INNOVA ពណ៌ប្រផេះ ពាក់ស្លាកលេខភ្នំពេញ 2BC-1190 បើកបរដោយបុរសជនជាតិចិនម្នាក់ មិនស្គាល់អត្តសញ្ញាណ ។
បន្ទាប់ពីកេីតហេតុជនរងគ្រោះ ត្រូវបាន ម្ចាស់យានដ្ឋាននៅក្បែរកន្លែងកេីតហេតុ យកបំពង់ផ្សារ មកផ្សារផ្តាច់កាងក្រោយរថយន្តប្រមូលសំរាម ដេីម្បីជួយទាញជនរងគ្រោះចេញពីកាងរថយន្ត។
រីឯម្ចាស់រថយន្តបង្កត្រូវបានកម្លាំង សមត្ថកិចធ្វើការឃាត់ខ្លួននាំទៅកាន់ប៉ុស្តិ៍នគរបាលសង្កាត់ព្រែកលៀប ចាត់ការតាមនិតិវិធី។
នៅសល់តែរថយន្ដបង្ករនិងរថយន្តប្រមូលសំរាម ត្រូវបានសមត្ថកិច្ចជំនាញវាស់វែងយកទៅរក្សាទុកបណ្តោះអាសន្ននៅការិយាល័យនគរបាលចរាចរណ៍ផ្លូវគោកនៃស្នងការនគរបាលរាជធានីភ្នំពេញរងចាំដោះស្រាយនៅពេលក្រោយ៕