ក្លិបបាល់ទាត់ Port FC ដែលមានម្ចាស់ក្លិបលោកស្រី Nualphan Lamsam ឈ្មោះហៅក្រៅថា «Madam Pang» បានប្រកាសគ្រូបង្វឹកថ្មីលោក Scott Cooper ជនជាតិអៀរឡង់-អង់គ្លេស។
កាលពីរដូវកាល ២០២១/២២ នៅក្នុងលីគកំពូលថៃ Thai League 1 ក្លិបបាល់ទាត់ Port FC ក្រោមការដឹកនាំរបស់លោក Jadet Meelarp បញ្ចប់រដូវកាលស្ថិតនៅលេខរៀងទី៨ ក្រោយឆ្លងកាត់៣០ប្រកួត ឈ្នះ១១ ស្មើ៦ និងចាញ់១៣ មាន៣៩ពិន្ទុ។
ក្រៅពីទទួលនាទីជាម្ចាស់ក្លិប Port FC លោកស្រី Nualphan Lamsam ក៏ជាអ្នកជំនួញជោគជ័យ ព្រមទាំងត្រូវបានសហព័ន្ធបាល់ទាត់ថៃ (FAT) បានសម្រេចតែងតាំងជាអ្នកចាត់ការទូទៅក្រុមបាល់ទាត់ជម្រើសជាតិថៃផ្នែកបុរស កាលពីថ្ងៃទី២៣ ខែសីហា ឆ្នាំ២០២១កន្លងទៅ ដើម្បីជំនួសតំណែងលោក Akira Nishino គ្រូបង្វឹកជនជាតិជប៉ុន ដែលបានចាកចេញ បន្ទាប់ពីដឹកនាំថៃធ្លាក់ចេញពីការប្រកួតវគ្គជម្រុះ World Cup 2022 តំបន់អាស៊ី៕
