ដូចមហាជនបានស្គាល់ហើយ តារាចម្រៀង Mario Bobby ជាតារាចម្រៀងជ្រកជាមួយក្រុម ណយណយណា ដែលមានវត្តមានពូឃ្លាំងក្នុងនោះ។ ហើយនៅពេលថ្មីៗនេះ លោកបានប្រកាសនៅហ្វេសប៊ុករបស់លោក ដើម្បីស្វែងរកបងប្រុសម្នាក់ដែលរងគ្រោះថ្នាក់ចរាចរណ៍រហូតដល់ពិបាកខ្លួន កម្រើកមិនបានដេកនៅនឹងកន្ទេលមួយកន្លែង ដោយលោកព្យាយាមរកជំនួយដើម្បីជូនបងប្រុសនោះ។
តាមការរៀបរាប់របស់លោក Mario Bobby បានឱ្យដឹងថា លោកបានទាក់ទងរកឃើញបងប្រុសដ៏កម្សត់នោះហើយ គាត់មានឈ្មោះ ផល ចន្ថា អាយុ ៣៥ឆ្នាំ គាត់ជួបគ្រោះថ្នាក់ចរាចរណ៍បាក់ឆ្អឹងកោងកង តាំហពីកររហូតដល់ដៃ និង ជើងកម្រើកមិនបានថែមទៀត។ លោកបន្ថែមថា បងប្រុសហូបបានតែបបរតែប៉ុណ្ណោះ គាត់រស់នៅប៉ោយប៉ែត គ្រួសារបងចន្ថាមានជីវភាពក្សត់ខ្លាំងបំផុត។ លោកបានវីដេអូខលជាមួយអ្នកជិតខាងគាត់សុំជួបគាត់មុននេះ ហើយឆាប់ៗខាងមុខនេះលោកនឹងឡើងទៅជួបគាត់។
តារាចម្រៀង Mario Bobby បានបញ្ជាក់ថា លោកនឹងនាំយកថវិការរបស់បងស្រីរបស់លោកមានឈ្មោះ Davy Rose ដែលរស់នៅអូស្ត្រាលីទៅឱ្យក្រុមគ្រួសារគាត់ ចំនួន ៣០០ដុល្លារ ជូនបងប្រុស ផល ចន្ថា ហើយបើបងប្អូនសប្បុរសដទៃទៀតចង់ជួយគាត់អាចជួយបានតាមរយៈ ABA របស់តារាចម្រៀងប្រុសរូបនេះ 000796221 (Laochannarith) ថវិការទាំងអស់នឹងទៅដល់ដៃគ្រួសារគាត់ដោយមិនឱ្យបាត់មួយសេនឡើយ ។
គួរដឹងដែរថា តារាចម្រៀង Mario Bobby តែងតែបង្ហាញសកម្មភាពសប្បុរសធម៌ជួយដល់មហាជនភាគច្រើនដែលជួបវិបត្តិខ្វះខាតក្នុងជីវិតប្រចាំថ្ងៃផងដែរ៕