អគ្គិភ័យបំផ្លាញផ្ទះ៦ល្វែងនៅមុខចំណតរថយន្តក្រុងប៉ោយប៉ែត

បន្ទាយមានជ័យ៖ អគ្គិភ័យបានឆាបឆេះផ្ទៈចំនួន៦ល្វែងដែលឆេះខូចខាតអស់ទាំងស្រុងចំនួន៣ខ្នងដែលប្រើប្រាស់កម្លាំងអន្តរាគមន៍មិនតិចជាង១០០នាក់ដែលកើតឡើងនៅវេលាម៉ោង១២.៣០នាទីថ្ងៃទី០៨ ខែកក្តដា ឆ្នាំ២០២២នៅខាងកើតចំណតរថយន្តក្រុងស្ថិតសង្កាត់.ក្រុងប៉ោយប៉ែត។

លោកឧត្តមសេនីយ៍ត្រី លី ហួរ ស្នងការរងនគរបាលខេត្តបន្ទាយមានជ័យបានប្រាប់ថានៅពេលដែលអគ្គិភ័យឆាបឆេះដំបូងចេញពីផ្ទះសំណាក់ “ដាណែត”ដែលទុរស្សេចរន្តអគ្គីសនីហើយបណ្តាលឆាបឆេះរាលដាលរយៈពេលប្រមាណ៣០នាទីបណ្តាលឆេះផ្ទះល្វែងជាប់គ្នាៗចំនួន៦ល្វែងដែលរងការខូចខាតអស់ទាំងស្រុងចំនួន៣ល្វែងមានផ្ទះសំណាក់ចំនួន២ល្វែងដែលជាផ្ទះល្វែងថ្មប្រក់ស័ង្កសី។

លោកបានបញ្ជាក់ថា៖ នៅពេលដែលអគ្គិភ័យឆាបឆេះមានកម្លាំងបីស្ថាប័នប្រមាណជាង១០០នាក់បានជួយអន្តរាគមន៍ពន្លត់មានរថយន្តពន្លត់អគ្គិភ័យចំនួន៤គ្រឿងមានរថយន្តពន្លត់អគ្គីភ័យអធិការដ្ឋាននគរបាលក្រុងប៉ោយប៉ែត១គ្រឿង និងរថយន្តពន្លត់អគ្គិភ័យអធិការដ្ឋាននគរបាលស្រុកអូរជ្រៅ១គ្រឿង និងរថយន្តពន្លត់អគ្គិភ័យកាស៊ីណូត្រូពីកាណា ចំនួន២គ្រឿងបានជួយអន្តរាគមន៍ពន្លត់ដែលប្រើប្រាស់ទឹកអស់ចំនួន១០រថយន្ត ទើបគ្រប់គ្រងស្ថានភាពបានទាំងស្រុង។លោកឧត្តមសេនីយ៍ត្រី លី ហួរ បានបញ្ជាក់ថា៖ អគ្គិភ័យដែលឆាបឆេះផ្ទះចំនួន៦ល្វែងដែលឆេះខូចខាតអស់ទាំងស្រុងចំនួន៣ល្វែងនិងផ្ទះសំណាក់ចំនួន២ល្វែងដែលជាផ្ទះសំណាក់យីហោ “ដាណែត” និងផ្ទះ “សំណាក់ផ្កាយរះ” ដែលជាផ្ទៈល្វែងថ្មប្រក់ស័ង្កសីនិងផ្ទះឈើដែលមានប្រវែងទទឹង៤ម៉ែត្រ និងបណ្តោយ១៨ម៉ែត្រ៕

អត្ថបទ÷ប៉ោយប៉ែត