Thursday, December 8 Login

តាម​សមត្ថកិច្ច​កសាង​សំណុំ​រឿង​ ​ និង​ចាប់​ខ្លួន​ករណី​ផលិត​ និង​ចែកចាយ​រូបភាព​អាសអាភាស​នេះ​កើត​ឡើង​ថ្ងៃ​ទី​១៩ ​ខែ​ឧសភា​ ​ឆ្នាំ​២០២១ ​វេលា​ម៉ោង​១០​និង​៥៧​នាទី​ នៅ​ចំណុច​ផ្ទះ​ជួល​ ភូមិ​ព្រែក​សំរោង​សង្កាត់​រកាខ្ពស់​ ​ក្រុង​តាខ្មៅ​ ​ខេត្តកណ្តាល​។​

​ជន​រងគ្រោះ​ ​ឈ្មោះ​ ឡ. ដ.ល. ​ភេទ​ស្រី​ អាយុ​២៥​ឆ្នាំ​ជា​កម្មការនី​រោងចក្រ​ ​មាន​ទីលំនៅ​ភូមិព្រែក​សំរោង​ ​សង្កាត់​រកាខ្ពស់​ ​ក្រុង​តាខ្មៅ​ខេត្ត​កណ្តាល​ ​។​ ឯ​ជនសង្ស័យ​ឈ្មោះ​ ​ហ៊ួរ សុជាតិ ​ភេទ​ប្រុស​ ​អាយុ​៣៧​ឆ្នាំ​ ​(ឃាត់​ខ្លួន​)​មុខរបរ​ ​ជាង​ថត​ ​មាន​ទីលំនៅ​ ភូមិ​លេខ​៤​សង្កាត់​ស្វាយរលំ​ ​ក្រុង​តាខ្មៅ​ ខេត្ត​កណ្តាល​ ប្រើ​លេខ​ទូរសព្ទ​ ​០៧០​ ​៦៥៥​ ​៧៨៥​ /០៧០ ​៨៦៤​ ​៨៤០​ និង​ប្រើ​គណនី​ហ្វេសប៊ុក​ឈ្មោះ​ Bong Cheath មាន​ដាក់​តាំង​រូប​ដើម​ត្រសក់​ ​(​ជា​អតីត​សង្សារ​របស់​ជន​រងគ្រោះ​)​។​

ក្នុង​ពេល​ចាប់​ខ្លួន​សមត្ថកិច្ច​រឹបអូស​វត្ថុ​តាង​ចាប់​យក​ រួម​មាន​៖​
១​-​ម៉ូតូ​មួយ​គ្រឿង​ម៉ាក​ ​SUZUKI SMASH110 ​ពណ៌​ខ្មៅ​ ​ស្លាក​លេខ​ ​ភ្នំពេញ​ ​1CC-​8130​ ​លេខ​តួ ​E48​-​132638​ ​លេខ​ម៉ាស៊ីន​ ​E​48​-​13​2​6​3​8​
២​-​ទូរសព្ទ​ម៉ាក​ ​Iphone​ ​X ​មួយ​គ្រឿង​ ​ពណ៌​ស​
៣​-​ក្រដាស​លេខ​ទូរសព្ទ​ ​096​ ​7545550​ ​មួយ​សន្លឹក​
៤​-​ក្រដាស​កត់​អក្សរ​ ​Bongcheath​1​2​3​ ​មួយ​សន្លឹក​។​

​ចំពោះ​រឿង​ហេតុ​ ​សមត្ថកិច្ច​ ​ បញ្ជាក់​ថា​ ​កាល​ពី​ ​ឆ្នាំ​២០១៤​ ​ជន​រងគ្រោះ​ ​និង​ ​ជន​សង្ស័យ​ មាន​ទំនាក់ទំនង​ស្នេហា​និង​គ្នា​ ​បាន​រស់​នៅ​ជាមួយ​គ្នា​ ​រហូត​ដល់​ឆ្នាំ​២០១៩​ ​ជន​រង​គ្រោះ​ ​បាន​ដឹង​ថា​ ជន​សង្ស័យ​មាន​ប្រពន្ធ​ ​និង​កូន​ពីរ​នាក់​។​ ​ ក្រោយ​ដឹង​ថា​ជនសង្ស័យ​មាន​ប្រពន្ធ​-កូន​ហើយ​ ​ជន​រង​គ្រោះ​ ក៏​សុំ​ចែក​ផ្លូវ​គ្នា​ម្តង​ហើយ​ម្តង​ទៀត​ ​ប៉ុន្តែ​ជន​សង្ស័យ​មិន​ព្រម​នោះ​ទេ​។​ជនរងគ្រោះ​បាន​ឲ្យ​ដឹង​ទៀត​ថា​៖ ​រាល់​ដង​ដែល​នៅ​ដេក​ជាមួយ​គ្នា​ ​គឺ​ឈ្មោះ ​ហ៊ួរ សុជាតិ ​តែង​តែ​លួច​ ថតរូប​អាក្រាត​កាយ ​និង​វីដេអូ​ រាល់​ពេល​ខ្លួន​បាន​ដេក​ជាមួយ​គ្នា​ ​ពេល​ដែល​ជនរងគ្រោះ​បាន​ដឹង​ ហើយ​បាន​ឲ្យ​ជន​សង្ស័យ​លុប​ចេញ​ ​ប៉ុន្ដែ​មិន​ព្រម​លុប​ ​គឺ​ទុក​គំរាម​មក​លើ​ជន​រង​គ្រោះ។​

លុះ​ដល់​ថ្ងៃ​ទី​១៩​.​០៥​.​២០២១​ ​ឈ្មោះ​ ឡ.ដ.ល.​ ​បាន​បើក​ហ្វេសប៊ុក​របស់​ខ្លួន​ឈ្មោះ​ Sarak Samrab ​លេង​ដូច​សព្វ​ដង​ ​ស្រាប់​តែ​ឃើញ ​មាន​ការ​ផ្ញើរ​ថតរូប​អាក្រាត​កាយ​ ​និង​វីដេអូ​រួមរ័ក​គ្នា​រវាង​ ឈ្មោះ​ ហ៊ួរ សុជាតិ ​និង​ឈ្មោះ ​ឡ.ដ.ល.​ ​នៅ​ក្នុង​ផ្ទះ​សំណាក់​ ​មួយ​កន្លែង​ (​ឈ្មោះហ៊ួរ​ ​សុជាតិ​ ជា​អ្នក​លួច​ថត​) ​ផ្ញើ​ទៅ​គណនី​ហ្វេសប៊ុក​ ​ជា​ច្រើន​ទៀត​តាមរយៈ ​Messager ​របស់​ជនរង​គ្រោះ ​ពេលនោះ​ជនរងគ្រោះ​ ​បាន​ឆែក​មើល​គណនី​ហ្វេសប៊ុក​ ​របស់​ខ្លួន​ទើប​ដឹង​ថា​ ជន​សង្ស័យ​លួច​ចូល​ប្រើ​គណនី​ហ្វេសប៊ុក​ ​របស់​ខ្លួន​ ​ក្នុង​ការ​ចែកចាយ​វីដេអូ​អាសអាភាស​ ​របស់​ជនរងគ្រោះ​ ខាង​លើ​ទៅ ​គណនី​ហ្វេសប៊ុក​ផ្សេង​ទៀត​។ ​ជន​រងគ្រោះ​បាន​បញ្ជាក់​ទៀត​ថា​ ​មាន​តែ​ជនសង្ស័យ​ប៉ុណ្ណោះ​ ដែល​មាន​រូបភាព​អាក្រាត​កាយ​ ​និង​វីដេអូ​នេះ ​ហើយ​ជនសង្ស័យ​ ​ធ្លាប់​បាន​គំរាម​គំហែង​ ជន​រងគ្រោះ​ថែម​ទៀត​។​

តាម​ការ​ស្រាវជ្រាវ​ ​ស៊ើប​អង្កេត​ ​របស់​សមត្ថកិច្ច​ ​អះអាង​ថា​ តាម​ការ​បំភ្លឺ​ពី​ម្ចាស់ ​Facebook​ ​ឈ្មោះ​ Sarak Semrab​(​ជន​រង​គ្រោះ​) ​បាន​ឲ្យ​ដឹង​ថា​ឈ្មោះ ​ហ៊ួរ ​សុជាតិ​ បាន​ថត​រូប ​អាក្រាត​កាយ​ ​និង​វីដេអូ​ ដែល​ដេក​ជាមួយ​ជន​រង​គ្រោះ ​ផ្ញើ​ចែកចាយ​រូបភាព​អាសអាភាស ​ទាំង​នេះ​ ​ទៅ​ឲ្យ​គណនី ​Facebook​ ជា​ច្រើន​ដែល​មាន​ឈ្មោះ ​ឡា​ញ សូនី ​, ​ឈ្មោះ ​Da Ny ,​ ឈ្មោះ ​ផាត់ ​ណាធីម​ ​,ឈ្មោះ ​ខេន ​ស្អាត​ ,ឈ្មោះ​ពន្លឺ​ ​ពន្លឺ​ ,​ឈ្មោះ ​Sarath​ ​Sarath​ ,​ឈ្មោះ​Veas ​Sna​ ,​ឈ្មោះ​Bong ​Nort​ ,​ឈ្មោះ​Bro​ ​Hong​ Kh ,​ឈ្មោះ​Can Di​ ,​ឈ្មោះ​Phat Vantong ​,​ឈ្មោះ​វិរះ បុត្រ​ ដែល​សុទ្ធតែ​​បងប្អូន​ មិត្ដភ័ក្ដ​របស់​ជនរងគ្រោះ នឹង​បាន​យក​រូបភាព​ទាំង​នេះ ​ទៅ​ប្រាប់​គេ​នៅ​កន្លែង​ធ្វើការ​​ របស់​ជនរងគ្រោះ​ទៀត​ផង​ ថែម​ទាំង​គម្រាម​ទារ​ប្រាក់​ពី​ជន​រងគ្រោះ ​បើ​ចង់​ឲ្យ​លុប​រូបថត​អាក្រាត​កាយ​ទាំង​នេះ​ គឺ​មួយ​សន្លឹក​២០$(​ម្ភៃ​ដុល្លារ​)​ ។​

​ជុំវិញ​ករណី​នេះ ​​ ជន​សង្ស័យ​ឈ្មោះ ​ ​ហ៊ួរ សុជាតិ ​បាន​ឆ្លើយ​សារភាព​ថា​ ខ្លួន​ពិត​ជា​បាន​លួច​ចូល​លេង​ក្នុង​គណនី​ហ្វេសប៊ុក​ឈ្មោះ ​Sarak Semrab​ ​ដែល​ជា​របស់​ជនរង​គ្រោះ​ឈ្មោះ​ឡ.​ដ​.ល​.​ និង​បាន​ចែកចាយ​រូប​ភាព​អាក្រាត​កាយ​ ​និង​វីដេអូ​ដែល​ខ្លួន​បាន​ដេក​រួមរ័ក​ជាមួយ​ជនរងគ្រោះ​ ទៅ​អោយ​គណនី​ហ្វេសប៊ុក​ជា​ច្រើន​ដែល​មាន​ឈ្មោះ​សំអេង​ វួចឆេង​ ភេទស្រី ​អាយុ​១៣​ឆ្នាំ ​ឈ្មោះ​សុខ​ ​លាភ​ ភេទ​ស្រី ​អាយុ​១​៩​ឆ្នាំ​ ​និង​ឈ្មោះ​អឿន​ ​ទាប​ ​ភេទ​ប្រុស​ ​អាយុ​២៧​ឆ្នាំ​ ​អ្នក​ទាំង​​ អស់​គ្នា​ មាន​ទីលំនៅ​សង្កាត់​រកា​ខ្ពស់​ ​ក្រុង​តាខ្មៅ ​និង​ឈ្មោះ​ឡាញ ​សូនី ​, ​ឈ្មោះ ​Da Ny​ ​, ​ឈ្មោះ ​ផាត់​ ​ណាធីម​ ​,​ឈ្មោះ​ ខេន​ ​ស្អាត ​,​ឈ្មោះ​ពន្លឺ​ ​ពន្លឺ​ ​,​ឈ្មោះ ​Sarath Sarath ​,​ឈ្មោះ​Veas Sna ,​ឈ្មោះ​Bong Nort​ ​,​ឈ្មោះ​Bro ​Hong​ ​Kh​ ,​ឈ្មោះ​Can ​Di​ ,​ឈ្មោះ​Phat Vantong​ ,​ឈ្មោះ​វិរះ បុត្រ​។​

​ជន​សង្ស័យ​ឈ្មោះ ​ ហ៊ួរ​ ​សុជាតិ​ ក៏​បាន​សារភាព​បន្ថែម​ទៀត​ថា​ខ្លួន​ពិត​ជា​បាន​ទៅ​កន្លែង​ធ្វើការ​របស់​ជនរង​គ្រោះ​ជួប​ជាមួយ​ឈ្មោះ ​ សរ​ វ៉ាន់នី​ ​ភេទស្រី​ ​អាយុ​៣០​ឆ្នាំ​ ហើយ​បាន​បង្ហាញ​រូបភាព​អាក្រាត​កាយ​របស់​ជនរងគ្រោះ​ទៅ​អោយ​ឈ្មោះ ​សរ​ វ៉ាន់នី ​បាន​ឃើញ​ ​និង​ប្រាប់​ទៅ​ជន​រង​គ្រោះ​។​ មូលហេតុ​ដែល​ជន​សង្ស័យ​​​ចែកចាយ​រូប​ភាព​អាក្រាត​កាយ​និង​វីដេអូ​ ដែល​ខ្លួន​បាន​រួមរ័ក​ជាមួយ​ជនរងគ្រោះ​ទៅ​ឲ្យ​គណនី​ហ្វេសប៊ុក​ជា​ច្រើន​នោះ​គឺ​ដោយសារ​ខ្លួន​បាន​មាន​ទំនាស់​ ជាមួយ​ជនរងគ្រោះ​ឈ្មោះ​ឡ.​ដ.​ល.​ ដែល​សុំ​ផ្តាច់​ទំនាក់ទំនង​ជាមួយ​ខ្លួន​ព្រោះ​ជនរងគ្រោះ​មាន​គូ​ដណ្តឹង​។​

តើ​ទង្វើ​នេះ ​ ចូល​ជា​បទ​ល្មើស​អ្វី​?​ ជា​បឋម​សមត្ថកិច្ច​នគរបាល​ខេត្ត​កណ្ដាល​កសាង​សំណុំ​រឿង​ករណី​ ផលិត​និង​ចែកចាយ​រូបភាព​អាសអាភាស​។​ យោង​តាម​ច្បាប់​ស្ដី​ពី​ការ​បង្ក្រាប​អំពើ​ជួញដូរ​មនុស្ស​និង​អាជីវកម្ម​ផ្លូវ​ភេទ​ ​ បទ​ល្មើស​នេះ ​ មាន​ចែង​ក្នុង​មាត្រា​៣៩​ ​ ត្រង់​វាក្យ​ខ័ណ្ឌ​ទី​៣ ​ កំណត់​ទោស​ដាក់​ពន្ធនាគារ​ពី​១​ខែ​ទៅ​១​ឆ្នាំ ​ និង​ពិន័យ​ជា​ប្រាក់​ពី​២​សែន​រៀល​ទៅ​២​លាន​រៀល​។​ នីតិវិធី​បន្ត​ រង់​ចាំ​អយ្យការ​ ចោទ​ប្រកាន់​ផ្លូវការ​ទៀត​។

អត្ថបទ៖ ឃុត ខេមី

Telegram-Troryorng
Share.

Leave A Reply