សមាជិកជម្រើសជាតិបាល់ទះកម្ពុជា កីឡាករ វឿន វាសនា និងគ្រូជំនួយ១រូបគឺលោក នៅ សាម៉េត បានធ្វើដំណើរដល់មាតុភូមិវិញហើយ ក្រោយបញ្ចប់បេសកកម្មបំពេញអាជីពនៅក្រៅប្រទេស ជាមួយក្លិបបាល់ទះ Lavie Long An ក្នុងការប្រកួតដណ្តើមជើងឯកថ្នាក់ជាតិវៀតណាម កាលពីពេលថ្មីៗ។
ពានរង្វាន់ជើងឯកថ្នាក់ជាតិវៀតណាម មានក្រុមបាល់ទះផ្នែកបុរសចូលរួមសរុប១១ក្រុម ដោយបែងចែកជា២ពូល ប្រកួតពីថ្ងៃទី៣ ដល់១៧ ខែកក្កដា ឆ្នាំ២០២២ សរុបទាំងអស់មាន៤០ប្រកួត។
វិញ្ញាសាបុរស ពូល A មាន៦ក្រុម ដូចជា Tràng An Ninh Bình, Hà Tĩnh, Hà Nội, VLXD Bình Dương, Bến Tre, XSKT Vĩnh Long ចំណែកពូល B មាន៥ក្រុម គឺ Thể Công, Sanest Khánh Hòa, Biên Phòng, TP. Hồ Chí Minh, Lavie Long An។
ចំណែកលទ្ធផលនៃការប្រកួតវគ្គជម្រុះតាមពូលរបស់ក្រុម Lavie Long An មាន៖
-៣ កក្កដា ២០២២៖ Thể Công ៣-០ Lavie Long An (២៥-២៣,២៥-២១,២៥-២០)
-៥ កក្កដា ២០២២៖ Biên Phòng ៣-០ Lavie Long An (២៥-១៩,២៩-២៧,២៥-២២)
-៨ កក្កដា ២០២២៖ Lavie Long An ៣-២ TP. Hồ Chí Minh (២៥-២២,២៣-២៥,២០-២៥,២៨-២៦,១៥-១១)
-៧ កក្កដា ២០២២៖ Lavie Long An ០-៣ Sanest Khánh Hòa (១៦-២៥,១៦-២៥,២៣-២៥)
វគ្គដណ្តើមចំណាត់ថ្នាក់លេខ៩ មាន៖
-១៣ កក្កដា ២០២២ Lavie Long An ៣-០ Bến Tre (២៥-២៣,២៥-១៣,២៥-២១)
-១៥ កក្កដា ២០២២ Lavie Long An ៣-០ XSKT Vĩnh Long (២៥-២២,២៥-២២,២៧-២៥)
ចំណែកក្រុមជ័យលាភីឆ្នាំ២០២២ នេះជើងឯកបានទៅក្រុម Tràng An Ninh Bình ហើយក្រុម Sanest Khánh Hòa ជាម្ចាស់ជើងឯករង និងក្រុម Hà Nội ឈរលេខ៣៕
ខាងក្រោមជាវីដេអូដែលផ្សាយផ្ទាល់ដោយ On Sport Plus គ្រប់ការប្រកួត៖