យ៉ាងហោចណាស់មានកីឡាករបរទេសចំនួន១៧រូបត្រូវបានក្លិបក្នុងចំណោមសមាជិកចំនួន១១ ក្នុងពានរង្វាន់បាល់ទះជើងឯកថ្នាក់ជាតិវៀតណាម ឆ្នាំ២០២២ ថ្មីៗនេះ ខណៈកីឡាករ វឿន វាសនា សមាជិកជម្រើសជាតិកម្ពុជា ក៏ស្ថិតក្នុងបញ្ជីនេះដែរ។
សរុបបញ្ជីឈ្មោះកីឡាករបរទេសទាំង១២នាក់៖
1 កីឡាករ Assanaphan Chantajorn ក្លិប XSKT Vĩnh Long ជនជាតិថៃ
2 កីឡាករ Napadet Bhinijdee ក្លិប Hà Tĩnh ជនជាតិថៃ
3 កីឡាករ Hernanda Zulfi ក្លិប Biên Phòng ជនជាតិឥណ្ឌូណេស៊ី
4 កីឡាករ វឿន វាសនា ក្លិប Lavie Long An ជនជាតិខ្មែរ
5 កីឡាករ Shin Chan Huahg ក្លិប Lavie Long An ចិន-តៃវ៉ាន់
6 កីឡាករ Philip James Freere ក្លិប Sanest Khánh Hòa ជនជាតិអូស្ត្រាលី
7 កីឡាករ Wanchai Tabwises ក្លិប TP Hồ Chí Minh ជនជាតិថៃ
8 កីឡាករ Iván José Fernández Añez ក្លិប Thể Công ជនជាតិវេណេហ្ស៊ុយអេឡា
9 កីឡាករ Megawati Hangestri Pertiwi ក្លិប Thanh Hóa ជនជាតិឥណ្ឌូណេស៊ី
10 កីឡាករ Suthina Pasang ក្លិប Thanh Hóa ជនជាតិថៃ
11 កីឡាករ Polina Rahimova ក្លិប Geleximco Thái Bình ជនជាតិអាហ្សេបៃហ្សង់
12 កីឡាករ Kuthaisong Kanjana ក្លិប Vietinbank ជនជាតិថៃ
13 កីឡាករ Chompunuch Chitsabai ក្លិប Kinh Bắc Bắc Ninh ជនជាតិថៃ
14 កីឡាករ Patcharaporn Sitisad ក្លិប Kinh Bắc Bắc Ninh ជនជាតិថៃ
15 កីឡាករ Moma Bassoko ក្លិប Hóa chất Đức Giang Hà Nội ជនជាតិកាម៉េរូន
16 កីឡាករ Maria Jose Perez ក្លិប Than Quảng Ninhជនជាតិអាហ្សេបៃហ្សង់
17 កីឡាករ Katerina Zhikova ក្លិប B. Airways Vĩnh Phúcជនជាតិអាហ្សេបៃហ្សង់
អត្ថបទពាក់ព័ន្ធ៖ទស្សនាប្រកួតសរុបរបស់ វឿន វាសនា ជាមួយក្លិបបាល់ទះ Lavie Long An នៅវៀតណាម
បើតាមការកំណត់របស់សហព័ន្ធកីឡាបាល់ទះវៀតណាម អនុញ្ញាតិឱ្យក្រុមនីមួយៗចុះបញ្ជីកីឡាករបរទេសបាន២នាក់ក្នុងក្រុមខ្លួន ប៉ុន្តែអាចដាក់ឱ្យកីឡាករចំនួន១នាក់ប៉ុណ្ណោះនៅលើទីលានជាមួយកីឡាករវៀតណាម ៥នាក់ផ្សេងទៀត។
សូមបញ្ជាក់ថាពានរង្វាន់ជើងឯកថ្នាក់ជាតិវៀតណាមឆ្នាំ២០២២ ផ្នែកបុរសមានក្រុមចូលរួមចំនួន១១ ក្រុមដោយដំណើការប្រកួតពីថ្ងៃទី៣ ដល់ទី១៧ ខែកក្កដា ឆ្នាំ២០២២ បែងចែកក្រុមចូលរួមជា២ពូល ហើយក្រុមលេខ១ដល់លេខ៤មានឈ្មោះឡើងទៅប្រកួតជម្រុះដណ្តើមជើងឯក ខណៈក្រុម៣ផ្សេងទៀតនៅបាតតារាងត្រូវប្រកួតវិលជុំជម្រុះ ដោយក្រុមលេខ៩ បន្តលេងក្នុងពានរង្វាន់ជើងឯកថ្នាក់ជាតិទៀត ហើយក្រុមលេខ១០និងលេខ១១ ត្រូវធ្លាក់ទៅពានកម្រិតទី២នៅឆ្នាំបន្ទាប់។
អត្ថបទពាក់ព័ន្ធ៖ស៊ីហ្គេម៖ ថៃ ថា ក្រោយចាញ់កម្ពុជា ធ្វើឱ្យខ្លួនរកមិនមេដាយជាលើកដំបូង គិតពីឆ្នាំ១៩៨៣ មក
ជាលទ្ធផលក្រុម Tràng An Ninh Bình ជាម្ចាស់ជើងឯក ហើយក្រុម Sanest Khánh Hòa ជាក្រុមជើងឯករង ខណៈក្រុម Hà Nội ឈរលេខ៣។ ចំណែកក្រុម Lavie Long An របស់ វឿន វាសនា ឈរចំណាត់ថ្នាក់លេខ៩។
ពានរង្វាន់ជើងឯកថ្នាក់ជាតិវៀតណាម នេះបង្កើតឡើងដំបូងបាន១៩លើកហើយគិតចាប់តាំងពីឆ្នាំ២០០៤មក ស្របពេលក្រុម Thể Công និងក្រុម Tràng An Ninh Bìnhឈ្នះជើងឯកបានម្នាក់៤លើកច្រើនជាងគេ៕
រូបថត៖Ý Nguyễn – Reporter in Thethao247.vn