គេនៅចាំបានថា លោក យឹម តាស្រង់ បានដកខ្លួនចេញពីសិល្បៈ ដោយលោកបានប្រកាសដំណើរចាកចេញពីផលិតកម្ម កាឡាក់ស៊ីណាវ៉ាត្រា នៅថ្ងៃទី ២៧ ខែឧសភា ឆ្នាំ ២០២២ នៅពេលនោះលោកអះអាងថា លោកនឹងទៅបើក គ្រប់គ្រងអាជីវកម្មផ្ទាល់ខ្លួន។
សូមអាន៖ យឹម តាស្រង់ ចេញមកបញ្ជាក់ហើយថា ដើរចេញពីផលិតកម្ម Galaxy ហើយទៅណា?
រហូតមកទល់ថ្ងៃទី ២៥ ខែកក្កដា នេះ គេស្រាប់តែឃើញដំណឹងថ្មីៗមួយដែលឱ្យដឹងថា លោក យឹម តាស្រង់ មានងារជា «ឧកញ៉ា» ដែលមានការត្រាស់បង្គាប់ពីព្រះមហាក្សត្រ ដែលបានធ្វើឡើងនៅថ្ងៃទី ២៣ ខែកក្កដា ឆ្នាំ២០២២។
ក្រោយរលាស់ខ្លួនចេញពីផលិតកម្មកាឡាក់ស៊ីណាវ៉ាត្រា មិនទាន់បាន ៣ខែផង តាមគេដឹង លោក យឹម តាស្រង់ ជានាយកប្រតិបត្តិក្រុមហ៊ុន Eew9 និងទទួលបានដំណែងថ្មីជាម្ចាស់ភាគហ៊ុន នាំចូលផលិតផលពីប្រទេសកូរ៉េ គឺក្រុមហ៊ុន EEw9 ហើយលោកក៏បានលូកដៃប្រឡូកចូលក្នុងការលក់លើវិស័យដីឡូតិ៍ផងដែរ ដែលរួមទាំងអស់ប្រមាណជា ៣កន្លែង៕