មហាជនបានស្គាល់ហើយ លោក សាយ ចន្ត្រា ជាតារាសម្តែងវ័យក្មេងមួយរូបដែលមានឈ្មោះបោះសំឡេង ដែលភាគច្រើនតែងតែបង្ហាញវត្តមានតាមខ្សែរឿងភាគទូរទស្សន៍ និងចម្រៀងកាយវិការនានា។ ថ្មីៗនេះ គេស្រាប់តែឃើញប្រភពគណនីហ្វេសប៊ុកមួយទម្លាយថា តារាសម្ដែងប្រុសរូបនេះជាបុគ្គលបោកប្រាស់លុយ ហើយរត់គេចបាត់ស្រមោល ទោះព្យាយាមទាក់ទងក៏មិនបាន។
នេះជាការបង្ហោះទាំងស្រុងនៅគណនីហ្វេសប៊ុកលោក ញ៉ែម សុវណ្ណារិទ្ធ ដែលរៀបរាប់អះអាង ៖
*សុំរំខានTagអោយបងប្អូនបន្តិចដេីម្បីកុំឱ្យឆាប់ចាញ់បោកគេ
_តេី សាយ ចន្ត្រា ជាជនបោកប្រាស់ ឬមានចេតនាគេចវេសមិនសងប្រាក់ឬយ៉ាងណាយ៉ាងណា? _កាលពីរសៀលថ្ងៃទី26ខែមេសា ឆ្នាំ2022 សាយ ចន្ត្រា ដែលមានគណនីFBឈ្មោះថា Tra Cool (Tra Cool) និងTra Cambodia (Tra Cambodia) បានឆាតមកសុំខ្ចីប្រាក់ចំនួន200$សម្រាប់ដោះភាពទាល់ដោយហេតុផលថាកំពុងខាតចម្ការ ដោយបានសន្យាថាខ្ចីរយៈពេល១ខែតែប៉ុណ្ណោះ។
ដោយសារជាមនុស្សធ្លាប់ស្គាល់គ្នានិងបុគ្គលនេះធ្លាប់ជាអ្នកសិល្បៈនិងឃេីញមានសកម្មភាពចុះជួយដល់កុមារនិងជនក្រីក្រផងដែរពីមុនមក ទេីបខ្ញុំមានទំនុកចិត្តនិងសម្រេចចិត្តអោយខ្ចីតាមការស្នេីរសុំទាំងមិនដឹងថា វានៅទីណាអោយពិតប្រាកដ (គ្រាន់តែប្រាប់ថា នៅបាត់ដំបងហេីយនិងត្រូវឡេីងមកធ្វេីការនៅភ្នំពេញនៅថ្ងៃទី27បន្ទាប់ពីបានលុយ)។ លុះខ្ចីបានចំនួន200$ហេីយ នៅយប់ថ្ងៃដដែលបុគ្គលនេះបានខលតាមឆាតមកសុំខ្ចីបន្ថែម200$ទៀត ដោយបានប្រាប់ហេតុផលថា យកទៅជួយម្ដាយ។ ដោយចិត្តមិនដាច់ផងដែរខ្ញុំក៏បានអោយខ្ចីចំនួន200$ទៀត ក៏ប៉ុន្តក្នុងលក្ខខណ្ឌមួយខែមិនមានសងនិងបង់ជាការប្រាក់ចំនួន40$ក្នុងមួយខែ។ លុះបានប្រាក់ដល់ដៃហេីយស្ងាត់បាត់ដំណឹងឆាតទៅសួរនាំហេីយមិនតបជាដេីម ហេីយបេីតបមកម្ដងៗសម្ដីឡូយកុហកល្បិចនិងជាមនុស្សគ្មានឆន្ទៈក្នុងការសង-ល-។
បន្ទាប់ពីការបង្ហោះរបស់ម្ចាស់គណនីខាងនេះហើយ គេស្រាប់តែឃើញការបញ្ជាក់មួយចេញពី Comment របស់បេក្ខជន អុិន ចាន់រតនា ដោយលោកបានអះអាងថា តារាប្រុសរូបនេះបានចាកចេញពីស្រុកកំណើតទៅធ្វើការនៅប្រទេសថៃ។ លោកបញ្ជាក់ថា ៖ «លុបទៅបងអើយមិនល្អទេ សុទ្ធតែគ្នាឯងទេបង គាត់រកអីមិនបានលូវគាត់ទៅថៃមិនដឹងថារកការងារបានរឺនៅទេបង សុំចិត្តណាបង»។
យ៉ាងណាមិញ គេស្រាប់តែឃើញ គណនីហ្វេសប៊ុកឈ្មោះ Tra Cambodia ដែលអ្នកលេងបណ្ដាញសង្គមប្រាកដចិត្តថាជាគណនីរបស់តារាសម្ដែងប្រុស សាយ ចន្ត្រា បានឆ្លើយតបបញ្ជាក់ថា ៖ «រតនាអើយខ្ញុំខុសមែន អោយគាត់ post ចុះមិនអីទេ ចាំខ្ញុំរកបានខ្ញុំសងគាត់ទៅចប់ហើយ តែខ្ញុំពិបាកនៅស្រុកថៃគ្មានការងារមែន អត់ passport រត់ចុះរត់ឡើង ខ្ញុំនឹងតស៊ូបន្ត »។
លោក សាយ ចន្ត្រា ក៏បានបន្ថែមទៀតថា ៖ «បាទខ្ញុំបានជុំពាក់លុយ400$ពិតមែន តែគ្រាន់ពេលនេះខ្ញុំនិយាយអីមិនទាន់ចេញ ខ្ញុំសុំស្ងាត់មួយរយះទៀត ខ្ញុំអត់មានការងារទេខ្ញុំរកអីមិនបានសឹងតែដាច់បាយ ខ្ញុំមានតែពាក្យថាសុំទោស និងទុកពេលអោយគ្នាសិន ខ្ញុំមិនភ្លិចគុណរិទ្ធទេ»។
ភ្លាមៗនេះ ម្ចាស់បំណុលក៏ចេញមកបញ្ជាក់សេចក្ដីឱ្យមហាជនដឹងទៀតថា៖ «នេះបេីឆ្លេីយនិងនិយាយតាមសម្រួលនឹងល្អ តែបេីអត់ឆ្លេីយអត់និយាយអីទាំងអស់ខ្ញុំមិនដឹងទេថាយេីងនៅទីណា យេីងសងខ្ញុំឬក៍អត់»។
