ឯកឧត្តមបណ្ឌិត ឧកញ៉ាម៉ុង ឫទ្ធី ដែលគេស្គាល់ថាជាសេដ្ឋីកសិកម្ម និងចិត្តធម៌ បានត្រៀមដើមឈើខ្លឹមៗ ខ្ទង់ពាន់ដើម ដើម្បីយកទៅដាំឡើងវិញលើផ្ទៃដីប្រមាណជា ៥០០ហិកតា ដែលត្រូវបានឈូសឆាយនាពេលកន្លងមក នៅតំបន់ភ្នំតាម៉ៅ ស្រុកបាទី ខេត្តតាកែវ។
-សូមចុចអាន៖ រាជរដ្ឋាភិបាលកម្ពុជា សម្រេចលុបចោលការដោះដូរ និងអភិវឌ្ឍតំបន់ភ្នំតាម៉ៅ
-សូមចុចអាន៖ អភិបាលខេត្តតាកែវ៖ ការឈូសឆាយដីព្រៃនៅភ្នំតាម៉ៅដើម្បីអភិវឌ្ឍមិនស្ថិតក្រោមការគ្រប់គ្រងរដ្ឋបាលខេត្ត
-សូមចុចអាន៖ អភិបាលខេត្តតាកែវ៖ ការឈូសឆាយដីព្រៃនៅភ្នំតាម៉ៅដើម្បីអភិវឌ្ឍមិនស្ថិតក្រោមការគ្រប់គ្រងរដ្ឋបាលខេត្ត
ផ្អែកតាមសំណេរហ្វេសបុករបស់ ឯកឧត្តមបណ្ឌិត ឧកញ៉ាម៉ុង ឫទ្ធី បានរៀបរាប់ថា ដោយបានទទួលការអនុញ្ញាតដ៏ខ្ពង់ខ្ពស់បំផុតពីសម្តេចអគ្គមហាសេនាបតីតេជោហ៊ុន សែននាយករដ្ឋមន្ត្រីនៃព្រះរាជាណាចក្រកម្ពុជា អោយដាំដេីមឈេីប្រណិតឡេីងវិញនៅលេីទីតាំងដែលបានឈូសឆាយ។
ឯកឧត្តមបណ្ឌិត ឧកញ៉ាម៉ុង ឫទ្ធី បន្ដទៀតថា «ពេលនេះខ្ញុំកំពុងតែលេីកកូនឈេីដាក់លេីរថយន្ត ព្រឹកស្អែកថ្ងៃទី៨ខែសីហាឆ្នាំ២០២២នេះ ខ្ញុំនឹងដឹកជញ្ជូនកូនឈេីបេងចំនួន១០០០ដេីម កូនឈេីធ្នង់ចំនួន១០០០ដេីមសរុប២០០០ដេីម ថ្ងៃពុធទី៩ខែសីហានិងជញ្ជួនកូនឈេីបេងនិងធ្នង់មកដល់ចំនួន៥០០០ដេីមបន្ថែមទៀត ហេីយនិងអាចដឹកជញ្ជួនមកជាបន្តបន្ទាប់ថែមទៀត បេីតាមការអោយដឹងក្រៅផ្លូវការមកថា ផ្ទៃដីដែលឈូសឆាយអស់ចំនួនប្រមាណជា៥០០ហិកតា បេីយេីងដាំ 7m x 7m =204ដេីម សរុបកូនឈេីដែលមានតម្រូវការទាំងអស់ ប្រមាណជា102.000ដេីម»។
ឧកញ៉ាម៉ុង ឫទ្ធី បានបន្ថែមទៀតថា ព្រឹកស្អែកថ្ងៃចន្ទទី៨ ខែសីហា ឆ្នាំ២០២២នេះ រូបខ្ញុំនិងលោកជំទាវប្រហុក និងដឹកនាំក្រុមអ្នកបច្ចេកទេសបុគ្គលិកកម្មករ ផ្នែកកសិកម្មរបស់ក្រុមហ៊ុនម៉ុង ឫទ្ធីគ្រុបទៅចូលរួមចំណែកដាំដេីមឈេីឡេីងវិញ នៅក្នុងតំបន់ភ្នំតាម៉ៅ ស្រុកបាទី ខេត្តតាកែវ បេីបងប្អូនប្រីយមិត្តយេីងចង់ចូលរួមចំណែកដាំដេីមឈេីឡេីងវិញដែរ ខ្ញុំសូមស្វាគមន៍ដោយក្តីសោមនស្សរីករាយជួបគ្នានៅភ្នំតាម៉ៅ៕