ពានរង្វាន់លីគកំពូលកម្ពុជា Cambodian Premier League 2022 បានធ្វើដំណើរដល់ប្រកួតចុងក្រោយនៃជុំទី២ហើយ នៅចុងសប្ដាហ៍កន្លងទៅនេះខណៈអាជ្ញាកណ្ដាល១០នាក់បានកាត់សេចក្តីលើការប្រកួតទាំង២៦មកនេះ ព្រមទាំងពិន័យកាតសរុប២៣២សន្លឹក ក្នុងនោះមានកាតក្រហម១៦សន្លឹក។
អ្វីដែលគួរឱ្យកត់សម្គាល់រយៈពេល១៤សប្ដាហ៍មកនេះមានកីឡាករនិងថ្នាក់ដឹកនាំក្រុមថ្មីចំនួន៤នាក់ទើបតែត្រូវពិន័យកាតលឿងម្នាក់១សន្លឹក ដោយក្នុងនោះមាន៖
- ធារី ចន្ថាប៊ីន របស់វិសាខា (ប្រកួតទល់ព្រះខ័នរាជស្វាយរៀង)
- គី រីណា របស់វិសាខា (ប្រកួតទល់ព្រះខ័នរាជស្វាយរៀង)
- គួច សុកុម្ភៈ របស់ណាហ្គាវើល (ប្រកួតទល់អង្គរថាយហ្គឺរ)
- លោក សាប៊ូន វិនតា គ្រូជំនួយរបស់បឹងកេត (ប្រកួតទល់ភ្នំពេញក្រោន)
សម្រាប់ក្រុមដែលត្រូវពិន័យកាតសរុបគិតត្រឹមពេលនេះមាន៖
-ណាហ្គាវើល ចំនួន ៤៣សន្លឹក
-អង្គរថាយហ្គឺរ ចំនួន ៣៨សន្លឹក
-បឹងកេត ចំនួន ៣៤សន្លឹក
-ក្រសួងការពារជាតិ ចំនួន ៣៤សន្លឹក
-ភ្នំពេញក្រោន ចំនួន ២៥ សន្លឹក
-គីរីវង់សុខសែនជ័យ ចំនួន ២៤សន្លឹក
-ព្រះខ័នរាជស្វាយរៀង ចំនួន ១៨សន្លឹក
-វិសាខា ចំនួន ១៦សន្លឹក
កាតសរុប២៣២សន្លឹក ត្រូវអាជ្ញាកណ្ដលពិន័យទៅលើកីឡាករនិងថ្នាក់ដឹកនាំក្រុមចំនួន១៣៦នាក់ហើយក្នុងនោះកីឡាករ ស៊ុក វឌ្ឍនា ខ្សែការពាររបស់ក្រុម Tiffy Army FC ជាអ្នកដែលត្រូវពិន័យកាតច្រើនសន្លឹកជាងគេ សរុប៧សន្លឹក ដោយក្នុងនោះមានកាតក្រហម១សន្លឹកផងដែរ៕