បាត់ដំបង÷ សមត្ថកិច្ចចុះស្រាវជ្រាវឃាត់ខ្លួនបាន ជនបង្កទំនាស់កាប់បំផ្លាញម៉ូតូ ៥នាក់នៅខេត្តបាត់ដំបង។
នគរបាលការិយាល័យជំនាញបានប្រាប់ឲ្យដឹងថា÷ ករណីខាងលើក្រោយទទួលបានពាក្យបណ្តឹងពីជនរងគ្រោះ កម្លាំងអន្តរាគមន៍បង្ការបង្ក្រាបដឹកនាំដោយលោក វរសេនីយ៍ឯក ឈឿង គឹមសុង ននាយការរិយាល័យនគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តបាត់ដំបង នៅថ្ងៃទី ០៨ ខែសីហា ឆ្នាំ ២០២២នេះកម្លាំងស្រាវជ្រាវបានសម្រេចឃាត់ខ្លួនជនបង្កបានជាបន្តបន្ទាប់ចំនួន ៥នាក់ដោយនាំខ្លួនមកកាន់ស្នងការដ្ឋានដេីម្បីសាកសួរ។
ជនបង្កទាំង ៥នាក់មានឈ្មោះគាវ ហឹមហៃ ភេទប្រុស អាយុ ២០ឆ្នាំ, ឈ្មោះឡាយ ខិត ភេទប្រុស អាយុ ១៦ឆ្នាំ, ឈ្មោះវង្ស វឌ្ឍវត្ថា ភេទប្រុស អាយុ ២០ឆ្នាំ, ឈ្មោះទី មុន្នីដាវុធ ភេទប្រុស អាយុ ១៦ឆ្នាំ និងឈ្មោះសយ វិស័យ ភេទប្រុស អាយុ ២០ឆ្នាំ ទាំងអស់គ្នាមានទីលំនៅក្នុងភូមិបោះពោធិ៍, ភូមិអូរដំបង, ភូមិវត្តរំដួល សង្កាត់ចំការសំរោង ក្រុងបាត់ដំបង ខេត្តបាត់ដំបង។
ក្រុមក្មេងដើរលេងយប់ទាំង ២ភាគីនៅថ្ងៃកើតហេតុថ្ងៃទី ០៦ ខែសីហាថ្មីៗនេះក្រោយជិះម៉ូតូប្រកិតដាក់គ្នា ថែមទាំងធ្លាប់មានទំនាស់ពាក្យសម្តីជាមួយគ្នាកន្លងមកផង ក៏ក្រុមជនបង្កបាននាំគ្នាជិះតាមរហូតទាន់ហើយបានកាប់ម៉ូតូជនរងគ្រោះបណ្តាលឲ្យខូចខាតយ៉ាងដំណំ ចំណែកម្ចាស់ម៉ូតូរត់គេចបាត់ស្រមោល។
បច្បច្ចុប្បន្នការិយាល័យជំនាញបាននឹងកំពុងកសាងសំណុំរឿងដេីម្បីបញ្ជូនជនសង្ស័យទៅកាន់សាលាដំបូងខេត្តបាត់ដំបងចាត់ការបន្តតាមនីតិវិធី៕
អត្ថបទ÷ដំបងក្រញូង