ថ្មីៗនេះកម្មវិធី Fans Meeting នៅផ្សារទំនើប The Olympia Mall ជាន់ទី១ ក្រោមការរៀបចំរបស់ CIM ឬ Cambodia International Models បង្កឱ្យមានការចូលរួមយ៉ាងច្រើនកុះករពីសំណាក់អ្នកគាំទ្រ ក្នុងការអបអរសាទដល់បេក្ខភាពកម្ពុជាយើងដែលទទួលបានជយលាភីពីវេទិការអន្ដរជាតិ។
ក្នុងនោះដែលស្ថាប័ន CIM បានបង្ហាញក្រុម Models របស់ខ្លួនលើឆាកជាច្រើនរូបដើម្បីឱ្យអ្នកទស្សនាផ្ទាល់បានរីករាយ ដែលបង្ហាញវត្តមានម្ចាស់ពានទាំងឡាយ និងពន្លកក្រោយឡើងបញ្ចេញសម្ថភាពរៀងៗខ្លួនដែលធ្វើឱ្យអ្នកទស្សនាបានជក់ចិត្តនិងទះដៃយ៉ាងកងរំពងលើកទឹកចិត្តពួកគេ។ នៅក្នុងនោះមានវត្តមាន កញ្ញា សារី ស្រពេជ្រ លោក ចាន់ គឹមសិទ្ធ លោក យឹម ស៊ីវអេង កញ្ញា អាណា អូមី និងលោក ថានុត ជាដើម។
ចំពោះវត្តមានម្ចាស់មកុដ សារី ស្រីពេជ្រ ម្ចាស់មកុដMiss Petite Global 2022 ដែលទើបឈ្នះពាននេះនៅប្រទេសម៉ាឡេស៊ីនោះបានលើកឡើងថា កញ្ញាសំណូមពរឱ្យយុវជនជំនាន់ក្រោយ ត្រូវតែព្យាយាម តស៊ូ បើសិនជាស្រលាញ់ការប្រលងកញ្ញាឯក ហើយសិក្សារឱ្យច្បាស់ពីកម្មវិធីនីមួយៗទើបពួកគេអាចសម្រេចក្ដីសុបិនធំក្លាយទៅជាការពិតបាន។ ស្រីស្រស់រូបនេះថានាងមានតែ អរគុណFan ចំពោះការគាំទ្រជួយលើកទឹកចិត្តនាងតាំងពីផ្ដើមកម្មវិធីប្រកួតដំបូងរហូតទទួលបានជោគជ័យ។
ជាមួយគ្នានោះដែរ លោក អេង ស៊ីម៉េង ដែលជាអ្នកចាត់ការទូទៅ CIM Stars បានបង្ហាញពីភាពរីករាយជាខ្លាំង និងនឹកស្មានមិនដល់សម្រាប់ការចេញទៅប្រកួតរបស់ពួកគេលើឆាកអន្តរជាតិឆ្នាំនេះ។ លោកថា នេះគឺជាការបើកទំព័រថ្មីមួយទៀតសម្រាប់ CIM Star ក៏ដូចជាប្រវត្តិសាស្ត្រក្នុងវិស័យបបវរកញ្ញា នៅកម្ពុជា ដែលអាចគ្រងមកុដបានពីបរទេស ហើយវាពិតជារឿងនឹកស្មានមិនដល់ និងអស្ចារ្យសម្រាប់ការបោះជំហានជាបន្តបន្ទាប់ទៀតរបស់បេក្ខភាពក្រោយៗ ផ្សេងៗទៀត។ លោកថា ការឈ្នះពានរង្វាន់ពីជយលាភីទាំង៥រូប និងការឈ្នះមកុដរបស់ម៉ូដែលវ័យក្មេងដ៏ស្រស់ស្អាតកញ្ញា សារី ស្រីពេជ្រ ដែលធ្វើឱ្យប្រទេសក្នុងតំបន់ និងថ្នាក់អន្តរជាតិ លែងមើលរំលងពីសមត្ថភាពរបស់មូ៉ដែល កម្ពុជាដូចពេលមុនៗទៀតហើយ។