ក្លិបបាល់ទាត់ Young Elephants ក្រោមការដឹកនាំរបស់លោក Satyasagara បានគ្រងជើងឯកលីគកំពូលឡាវ Lao Premier League 2022 ជាលើកដំបូងក្នុងប្រវត្តិសាស្រ្ត ទាំង២ប្រកួតនៅសល់ បន្ទាប់ពីលត់ Vientiane FC ៨-០ កាលពីយប់ថ្ងៃទី១៤ ខែសីហា ឆ្នាំ២០២២។
តារាងចំណាត់ថ្នាក់ក្រុមទាំង៧ Lao Premier League 2022៖
១) Young Elephants ឆ្លងកាត់១៦ប្រកួត ឈ្នះ១២ ស្មើ៤ មិនដែលចាញ់មាន ៤០ពិន្ទុ
២) Master7 FC ឆ្លងកាត់១៦ប្រកួត ឈ្នះ៩ ស្មើ៥ និងចាញ់២ មាន៣២ពិន្ទុ
៣) Ezra FC ឆ្លងកាត់១៧ប្រកួត ឈ្នះ៨ ស្មើ៤ និងចាញ់៥ មាន២៨ពិន្ទុ
៤) Luangprabang Football Federation ឆ្លងកាត់១៦ប្រកួត ឈ្នះ៥ ស្មើ២ និងចាញ់៩ មាន១៧ពិន្ទុ
៥) Laos Armmy FC ឆ្លងកាត់១៦ប្រកួត ឈ្នះ៤ ស្មើ៣ និងចាញ់៩ មាន១៥ពិន្ទុ
៦) VFC Viengchanh Football Club ឆ្លងកាត់១៧ប្រកួត ឈ្នះ៣ ស្មើ៥ និងចាញ់៩ មាន១៤ពិន្ទុ
៧) F.C.Champasak ឆ្លងកាត់១៦ប្រកួត ឈ្នះ៣ ស្មើ៣ និងចាញ់១០ មាន១២ពិន្ទុ។
គួរដឹងថាការប្រកួតពានរង្វាន់លីគកំពូលឡាវ Lao Premier League តម្រូវអោយក្រុមទាំង៧ប្រកួតវិលជុំចំនួន៣ជុំ ហើយក្រុមដែលមានចំណាត់ថ្នាក់ល្អដាច់គេក្លាយជាម្ចាស់ជើងឯកប្រចាំរដូវកាល។ ក្រុមជើងឯកពានរង្វាន់លីគកំពូលឡាវ មានឈ្មោះចេញទៅប្រកួតក្នុងពានរង្វាន់ AFC Cup ផងដែរ។
ក្រុម Young Elephants បង្កើតឡើងនៅឆ្នាំ២០១៥ ហើយនៅឆ្នាំ២០១៩ និង២០២០ ឈរចំណាត់ថ្នាក់លេខ៣ នៅក្នុងលីគឡាវ ជាប់ៗគ្នា ខណៈឆ្នាំ២០២១ លីគផ្អាកដោយសារកូវីដ-១៩៕
