បន្ទាប់ពីម្ចាស់ក្លិបបិសាចក្រហម Manchester United លោក Glazers អំពាវនាវដាក់លក់ក្លិបដែលមានមូលដ្ឋាននៅទីក្រុង Manchester មួយនេះក្នុងតម្លៃប្រមាណជាង ៤ពាន់លានដុល្លារ ក្រោយរងបរាជ័យយ៉ាងអាម៉ាសក្រោមថ្វីជើង Brentford ក្នុងលទ្ធផល ៤-០ កាលពីសប្តាហ៍មុន។
ពេលនេះម្ចាស់ក្រុមហ៊ុន Tesla និង Space X លោក Elon Musk ដែលជាមហាសេដ្ឋីដែលមានជាងគេលើលោកបានបង្ហោះសារលើគណនី Twitter ថា៖«លោកកំពុងទិញក្លិប Manchester United»។
យោងតាមទស្សនាវត្តី Forbes លោក Elon Musk ដែលមានវ័យ៥១ឆ្នាំ បច្ចុប្បន្នមានទ្រព្យសម្បត្តិតម្លៃ ២៧៤ពាន់លានដុល្លារ ពោលគឺជាមហាសេដ្ឋីដែលមានទ្រព្យលើសគេ លើពិភពលោក ព្រមទាំងបានទិញភាគហ៊ុនរបស់ Twitter ចំនួន ៧៣,៥លានហ៊ុន៕
