មីៗនេះ អ្នកនិពន្ធនិងដឹកនាំរឿងល្បី លោក ខាំ ភូរិ បានចេញមកឆ្លើយតបចំពោះសំនួរដែលមានអ្នកចោទសួរលោកថាមូលហេតុអ្វីលោកហ៊ានផ្សាយភាពយន្តបុរាណរបស់ខ្លួននៅពេលនេះ ចំពេលជល់គ្នាជាមួយភាពយន្តបុរាណថៃដែលកំពុងតែចាក់បញ្ចាំងនៅតាមរោងកុនខ្មែរថា
« «ចម្លើយខ្ញុំនេះគឺជាផែនការក្រុមហ៊ុន ហើយខ្ញុំក៏មិនបានដឹងថារឿងដ៏ល្បីនេះបញ្ចាំងនៅពេលណាដែរ។ តែជាទស្សនៈផ្ទាល់ខ្លួនខ្ញុំ ខ្ញុំពុំដែលបានយកខ្លួនឯងទៅប្រៀបធៀបនឹងនរណាម្នាក់ទេ ហើយក៏រឹតតែពុំអាចប្រៀបធៀបជាមួយប្រទេសថៃ ដែលវិស័យភាពយន្តគេមានការរីកចម្រើនខ្លាំង និងបានក្លាយទៅជាឧស្សាហកម្មភាពយន្តទៅហើយដែរ។ យើងត្រូវការពេលវេលាច្រើនទៀត ដើម្បីផ្តល់ឱកាសដល់យុវជនជំនាន់ក្រោយ ក្លាយជាអ្នកប្រកួតប្រជែងថ្មីដ៏មានសក្តានុពល។ យើងមានដូនតាជាអ្នកកសាងអង្គរ យើងហ៊ាននិយាយពាក្យនេះដោយមានមោទនភាព តែយើងត្រូវហ៊ាននិយាយថាយើងនៅដើរក្រោយស្រមោលគេច្រើនណាស់ក្នុងវិស័យមួយនេះ។»
បន្ទាប់ពីឃើញការបកស្រាយរបស់លោកចំពោះករណីខាងលើនេះអ្នកព័ត៌មានសារព័ត៌មានត្រយងបានទំនាក់ទំនងទៅលោកតាមរយៈសារអេឡិចត្រូនិកដើម្បីសាកសួរបន្ថែមពាក់ព័ន្ធនឹងករណីខាងលើនេះ។
លោក ខាំ ភូរិ គឺជាបុគ្គលលេចធ្លោមួយរូបក្នុងរង្វង់សិល្បៈតាមរយៈស្នាដៃនិពន្ធចម្រៀង ដឹកនាំចម្រៀង និងស្នាដៃភាពយន្តភាគល្បីៗជាច្រើននៅលើកញ្ចក់ទូរទស្សន៍ ហើយស្នាដៃចុងក្រោយដែលត្រៀមបម្រើចំណីចក្ខុរបស់លោករឿង «ខោល» ដែលសម្ដែងដោយតារាល្បីៗដូចជា ហ្សូណូ កញ្ញា មាន សូនីតា កញ្ញា កែវ សុបញ្ញា លោក Berry និងតារាកិត្តិយសជាច្រើនរូបទៀត គ្រោងនឹងចេញផ្សាយឆាប់ៗនេះ។
ចង់ដឹងថា លោក ខាំ ភូរិ បកស្រាយបន្ថែមបែបណានោះ សូមទស្សនាវីដេអូខាងក្រោមនេះ ៖