Thursday, December 8 Login

ភាពយន្ត​ភាគ​បុរាណ​បែប​ព្រេង​និទាន​ខ្មែរ​ មួយ​របស់​ទូរទស្សន៍​ ​CTN​ ​តែង​តែ​ទទួល​បាន​ការ​គាំទ្រ​និង​សរសើរ​ច្រើន​ ព្រោះ​បាន​រំលេច​សាច់​រឿង​ព្រេង​និទាន​ខ្មែរ​ឱ្យ​ចេញ​ជា​រូប​រាង​ដើម្បី​ជា​ចំណី​ចក្ខុ​សម្រាប់​អ្នក​ទស្សនា​ យ៉ាង​ណា​មិញ​រឿង​ភាគ​បុរាណ​ថ្មី​ដែល​កំពុង​តែ​ថត​នេះ​ ទទួល​បាន​សរសើរ​ច្រើន​ ​តែ​អ្នក​រិះគន់​វិញ​ក៏​មាន​ច្រើន​មិន​ចាញ់​គ្នា​ដែរ​។

រូបភាពពី ៖ Ang Socheata – អាង សុជាតា

សូមចុចអាន៖ បើក​ភ្លើង​ខៀវ​! ​ប្រុស​ ខួច​ និង​ ម៉ូនី ​វិជ្ជរា ​នឹង​ជួប​សម្ដែង​ជា​តួឯក​​ជាមួយ​គ្នា​ទៀត​ក្នុង​រឿង​ភាគ​ថ្មី​របស់​ភីអិនអិន

ថ្ងៃ​ទី​១​ ខែ​ មិថុនា​ ឆ្នាំ​២០២១​ ​អ្នក​នាង​ ​សឿនផាន​ ​ផាភួង​ ​ជា​តារា​​​សម្ដែង​មាន​ឈ្មោះ​បោះ​សំឡេង​មួយ​រូប​បាន​បង្ហោះ វីដេអូ​ដែល​មាន​ចំនួន​ប្រមាណ​ជា​ជាង​២​ នាទី​ ផុស​ពីសកម្មភាព​កំពុង​តែ​សម្ដែង​របស់​តួឯក​ប្រុស​ស្រី​ទាំង​ពីរ​រូប​ដែល​បាន​ជួប​និង​សន្ទនា​គ្នា​។​

​«​តម្លង់​៧​សន្ដាន​»​ ​ឈ្មោះ​​បាន​បង្ហាញ​យ៉ាង​ច្បាស់​ហើយ​ថា​ សាច់​រឿង​ចង់​និយាយ​ពី​អ្វី​ ​ដូច្នេះ​នៅ​ពេល​តួ​ឯក​ប្រុស​ជួប​គ្នា​ ​ពិត​ណាស់​ពិត​ជា​ធ្វើ​ឱ្យ​អ្នក​ទស្សនា​ផ្ទុះ​សំណើច​ព្រោះតែ​តួ​ស្រី​សួរ​ឯ​លិច​ ចំណែក​តួ​ប្រុស​ឆ្លើយ​ឯកើត​​។

​នៅ​ខាង​ក្រោម​វីដេអូ​នោះ​ក្រៅ​ពី​ទទួល​បាន​កោត​សរសើរ​ចំពោះ​តួឯក​ប្រុស​ស្រី​វ័យ​ក្មេង​ ​ដែល​មាន​រូប​​សម្រស់​ស្អាត​ស្រស់​សម​គ្នា​ហើយ​នោះ​ ​ការ​សម្ដែង​របស់​តួ​ប្រុស​រង​នូវ​ការ​រិះ​គន់​ច្រើន​ ​ថា​នៅ​ឆ្គង​ និង​​នៅ​រឹង​ៗ ជា​ពិសេស​ទៀត​នោះ​គឺ​ភាសា​ដែល​ប្រើ​ប្រាស់​ក្នុង​រឿង​បុរាណ​ ហាក់​មិន​ទាន់​ស៊ី​​និង​សម័យ​កាល​នៅ​ឡើយ​ដូច​ជា​មាន​អ្នក​លើក​ឡើង​ថា​​សម័យ​បុរាណ​មិន​មាន​ពាក្យ​ «វ៉ល់ៗ» ដែល​ជា​ភាសា​សម័យ​ទំនើប​យុវវ័យ​ចូលចិត្ត​ប្រើ​នោះ​ទេ​។

ត្រយង​ញូវស៍​សូម​​បង្ហាញ​ពី​ការ​យល់​ឃើញ​និងមតិ​​ខ្លះ​ៗ​ របស់​អ្នក​គាំទ្រ​និង​អ្នក​ទស្សនា​មក​បង្ហាញ​ជូន​ដូច​ខាង​ក្រោម​​៖

«លីន កំពង់ចាម ៖ តួ​ប្រុស​សំដែង​រៀង​រឹងៗ​តិច​!​»​
Bobo Man : ​«កាយវិការ​ ​អត់​ដូច​ធម្មជាតិ​ ​ឆ្គង​ៗ​ ​ឆ្គើត​ៗ ​តែ​រូបភាព​ ​ច្បាស់​ល្អ​ តួ​ប្រុស​ ​គួរ​តែ ​កាន់​អ្វី​មួយ​ ​ឬ​កំពុង​ធ្វើអ្វី​បណ្តើរ​ ទើប​សម​»
Kunthea Chan: «​តួ​ស្អាតៗ​តែ​ការ​និយាយ​និង​សម្តែង​នៅ​ឆ្គង​សូម​អ្នក​ដឹកនាំ​រឿង​ជួយ​កែ​សម្រួល​បន្ថែម​ដើម្បី​រឿង​ខ្មែរ​ថត​ចេញ​មក​បាន​ល្អ​ដូច​ជំនាន់​មុន​?​»
Ah Ly Toch : «​ស្លៀកពាក់​បែប​បុរាណ​ ​តែ​និយាយ​បែប​សម័យ​ ​ពី​បុរាណ​មាន​ពាក្យ​​ (​វ៉ល់ៗ​)​ ​ដែរ​?​»

រូបភាពពី ៖ Ang Socheata – អាង សុជាតា
Telegram-Troryorng
Share.

Leave A Reply