ពានរង្វាន់បាល់ទាត់ជើងឯកតំបន់អាស៊ាន ដែលទើបតែប្តូរឈ្មោះថ្មីទៅជា AFF Mitsubishi Electric Cup 2022 នឹងចាប់ឆ្នោតជ្រើសរើសពូលនៅចុងខែសីហា ឆ្នាំ២០២២ ខាងមុខ ខណៈក្រុមជម្រើសជាតិកម្ពុជា ស្ថិតនៅក្នុង Pots ជាមួយគ្នា ក្នុងន័យនេះអាចនិយាយថាក្រុមទាំង២មិនស្ថិតនៅពូលជាមួយគ្នានោះទេ។
សហព័ន្ធកីឡាបាល់ទាត់អាស៊ាន (AFF) បានកំណត់ក្រុមជាសមាជិកជា៥ Pots សម្រាប់ចាប់ឆ្នោតជ្រើសរើសពូល។ ក្រុមក្នុង Pots ជាមួយគ្នា ចាប់ឆ្នោតដាក់ពូលផ្សេងគ្នា។ Pots ទាំង៥មាន៖
Pots ១៖ ថៃ និងវៀតណាម
Pots ២៖ ឥណ្ឌូណេស៊ី និងម៉ាឡេស៊ី
Pots ៣៖ សិង្ហបុរី និងហ្វីលីពីន
Pots ៤៖ មីយ៉ាន់ម៉ា និងកម្ពុជា
Pots ៥៖ ឡាវ និង ទីម័រខាងកើត ឬ ប្រ៊ុយណេ
អត្ថបទពាក់ព័ន្ធ៖ព័ត៌មានកីឡាផ្លូវការ! AFF Suzuki Cup សម្រេចប្ដូរឈ្មោះទៅជា AFF Mitsubishi Electric Cup
បើតាមសេចក្តីជូនដំណឹងដែល AFF ផ្ញើមកកាន់ក្រុមការងារសារព័ត៌មានត្រយង បញ្ជាក់ថាពិធីចាប់ឆ្នោតបែងចែកពូលពានរង្វាន់ AFF Mitsubishi Electric Cup 2022 នឹងធ្វើឡើងនៅថ្ងៃអង្គារ ទី៣០ ខែសីហា នៅរាជធានីបាងកក ប្រទេសថៃ វេលាម៉ោង ២:០០នាទីរសៀល។
ចំណែកឯរូបមន្តនៃការប្រកួតក្នុងពានរង្វាន់នេះត្រូវបែងចែកក្រុមចូលរួមជា២វគ្គ មានវគ្គជម្រុះ និងវគ្គចែកពូល។ សម្រាប់វគ្គជម្រុះក្រុមទីម័រខាងកើត ត្រូវប៉ះប្រ៊ុយណេ រកអ្នកឈ្នះឡើងទៅវគ្គចែកពូល ជាមួយប្រទេសចំនួន៩ កំពុងរង់ចាំ។ វគ្គចែកពូលមានមានសរុបចំនួន១០ បែងចែកក្រុមជា២ពូល ក្នុង១ពូល ក្នុង១ពូលមាន៥ក្រុម ហើយក្រុមលេខ១និងលេខ២តាមពូលនីមួយៗ មានឈ្មោះឡើងទៅកាន់វគ្គពាក់កណ្តាលផ្តាច់ព្រ័ត្រ។
ពានរង្វាន់ជើងឯកបាល់ទាត់បុរសប្រចាំតំបន់អាស៊ាន បង្កើតឡើងដំបូងតាំងពីឆ្នាំ ១៩៩៦ មកម៉្លេះ ដោយប្រកួតរាល់២ឆ្នាំម្តង ស្របពេលដំបូងឡើយប្រើឈ្មោះជា AFF Tiger Cup រហូតដល់ឆ្នាំ២០០៤ ក៏ប្តួរឈ្មោះទៅជា AFF Suzuki Cup វិញម្តង និងចុងក្រោយចាប់ពីឆ្នាំ២០២២ តទៅប្រើឈ្មោះជាAFF Mitsubishi Electric Cup វិញម្តង។
អត្ថបទពាក់ព័ន្ធ៖ប្រ៊ុយណេ បោះជំរុំហ្វឹកហាត់នៅអារ៉ាប៊ីសាអូឌីត ដើម្បីត្រៀមខ្លួនប្រកួត AFF Mitsubishi Electric Cup
ថៃ ជាក្រុមឈ្នះជើងឯកពានរង្វាន់បុរសប្រចាំតំបន់អាស៊ាន នេះបានច្រើនជាងគេ រហូតដល់ទៅ៦លើក ឯសិង្ហបុរី ឈ្នះបាន៤លើក វៀតណាម ឈ្នះ២លើក និងម៉ាឡេស៊ី ឈ្នះបាន១លើក។ ឥណ្ឌូណេស៊ី ជាក្រុមឡើងវគ្គផ្ដាច់ព្រ័ត្របានច្រើនជាងគេរហូតដល់៦លើក តែបរាជ័យរហូត៕