ក្លិបបាល់ទាត់ខេត្តព្រៃវែង អេហ្វស៊ី ក្រោមការដឹកនាំរបស់លោក ឡុង ឬទ្ធា កំពុងឡើងជើងខ្លាំងក្រោយឆ្លងកាត់១៧ប្រកួត នៅលីគលំដាប់ទី២ ឈ្នះ១១ ស្មើ២ និងចាញ់៤ មាន៣៥ពិន្ទុ ស៊ុតបញ្ចូលទីគូប្រកួត៥៨គ្រាប់ និងរបូត១៩គ្រាប់ ផងសងគ្រាប់បាល់ចំណេញ៣៩គ្រាប់។
លទ្ធផលកាលពីថ្ងៃទី២៨ ខែសីហា ឆ្នាំ២០២២ កន្លងទៅនេះក្រុមបាល់ទាត់ព្រៃវែងអេហ្វស៊ី បានយកឈ្នះ បន្ទាយមានជ័យ ក្នុងលទ្ធផលយ៉ាងចាស់ដៃ ១៣-១ នៅទីលាន វិទ្យាល័យហ៊ុនសែន ខ្លាកូន សម្រាប់ប្រកួតសប្តាហ៍ទី១៧ នៃលីគលំដាប់ទី២។
១៣គ្រាប់របស់ព្រៃវែង ស៊ុតបញ្ចូលទីដោយកីឡាករ ស៊ិន សុវណ្ណមករា ៣គ្រាប់នៅនាទី ១២’, ១៤’, ៤០’, ផាន សុផេង ២គ្រាប់នៅនាទី ២៥’, ៤២’, ពៅ ចាន់ថេត ១គ្រាប់នៅនាទី ៤៨’, វឿន វ៉ា ១គ្រាប់នៅនាទី ៥១’, EKENE VICTOR ៤គ្រាប់នៅនាទី ៥៣’, ៥៨’, ៦៥’, ៧៣’, RAOUL UCHE ២គ្រាប់នៅនាទី ៦១’, ៨៥’។
ជ័យជម្នះដ៍ច្រើនបែបនេះបានធ្វើឲ្យក្លិបបាល់ទាត់ ព្រៃវែង អេហ្វស៊ី ក្លាយជាក្រុមតែ១គត់ដែលអាចស៊ុតបញ្ចូលទី លើសពី១០គ្រាប់ ៣ពានរង្វាន់ផ្សេងគ្នា ពោលគឺ លីគលំដាប់ទី២, ខេមបូឌានលីគខាប់ និង ពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៦ ថ្នាក់ខេត្ត។
ជម្រើសជើងឯកកម្ពុជាលីគ២ ឆ្នាំ២០២២៖
– ព្រៃវែង អេហ្វស៊ី ១៣-១ បន្ទាយមានជ័យ
ពានរង្វាន់ខេមបូឌានលីគខាប់ ឆ្នាំ២០២២៖
– ព្រៃវែង អេហ្វស៊ី ១៧-០ ណិចស្តេប អេហ្វស៊ី
ពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៦ ថ្នាក់ខេត្ត៖
– កំពត អេហ្វស៊ី ៥-២ ព្រៃវែង អេហ្វស៊ី
– ព្រៃវែង អេហ្វស៊ី ៩-១ កំពត អេហ្វស៊ី
សរុបទាំងពីជើង ព្រៃវែង អេហ្វស៊ី ឈ្នះក្នុងលទ្ធផល ១៤-៣៕