នៅក្នុងការកសាងអំណាចនៅកន្លែងធ្វើការមិនមែនជារឿងងាយស្រួលនោះទេ ល្គឹកណាមនុស្សនោះមានទេពកោសល្យ និងជំនាញពិតប្រកាដប្រកដោយចរិយាថ្លៃថ្នូរ ទើបមនុស្សគ្រប់គ្នាដើរតាម ប៉ុន្ដែនិយាយដូច្នេះមិនមែនមានតែចំណុចប៉ុណ្ណឹងគ្រប់គ្រាន់នោះទេ ព្រោះការសាងអំណាចមានធាតុចូលផ្សេងៗគ្នា ទៅតាមពេលវេលា និងទីកន្លែង ព្រមទាំងក្រុមមនុស្សផងដែរ។ យ៉ាងណាមិញ ត្រយងសុំណែនាំធាតុសំខាន់ៗ៥យ៉ាង ជាគន្លឹះសម្រាប់ប្រិយមិត្ត ដើម្បីកសាងអំណាចនៅកន្លែងធ្វើការ ដូចខាងក្រោមនេះ ៖
១. ការបង្កើតគំនិត៖ អ្នកត្រូវបង្កើតគំនិតថ្មីនិងអស្ចារ្យ ហើយគំនិតនោះជាអ្វីដែលអ្នកគិតថាល្អបំផុត និងអាចធ្វើបាន ប្រកបដោយភាពច្នៃប្រឌិត និងមិនបោះបង់។ ជាពិសេសអ្នកពេញចិត្តនឹងគំនិតនោះ។
២.បំពេញការងារឲ្យល្អរង់ចាំពាក្យសរសើរ៖ អ្នកត្រូវធ្វើជាមនុស្សដែលស្មោះត្រង់ និងជាមនុស្សមានចិត្តទូលាយ បើកចំហរផ្នត់គំនិតទទួលយកពីគ្រប់មជ្ឈដ្ឋាន។ ដើម្បីទទួលបានការកោតសរសើរពីអ្នកដទៃ អ្នកត្រូវតែជាមនុស្សបង្ហាញលទ្ធផលការងារដ៏អស្ចារ្យមួយ និងការងារខ្លាំងនៅក្នុងក្រុម។ ទន្ទឹមនឹងនោះ អ្នកត្រូវតែជាមនុស្សដែលចេះជួយគេឯង មិនច្រណែន ធ្វើឱ្យអ្នកដទៃនៅជុំវិញអ្នកមានអារម្មណ៍ថាអ្នកអស្ចារ្យ និងខ្លាំងគ្រប់គ្រាន់ (ជួយគេ កុំច្រណែន បើទោះជាដៃគូប្រកួតក៏ដោយ)។
៣. ស្វែងរកការគាំទ្រ៖ អ្នកធ្វើការពូកកែ គឺចេះធ្វើការជាមួយមនុស្សគ្រប់ប្រភេទ ហើយអ្នកត្រូវបង្កើតទំនាក់ទំនងល្អជាមួយមនុស្សដែលពិបាកបំផុត (ថៅកែ បុគ្គលិកមិនល្អនៅកន្លែង ជាដើម)។ ប្រសិនបើយើងអាចផ្សារភ្ជាប់ជាមួយមនុស្សដែលពិបាកបានហើយនោះ អ្នកនឹងក្លាយជាមនុស្សពូកែ ហើយមនុស្សគ្រប់គ្នានឹងកោតស្ញប់ស្ញែងអ្នក។
៤. ក្លាហាននិងមិនចុះចាញ់៖ ការជួបបញ្ហាកាន់តែធំ កាន់តែមានចិត្តនឹងនរ ហើយត្រូវបង្ហាញទឹកមុខធម្មតាគ្រប់ពេល កុំបង្ហាញពីភាពខ្សោយរបស់អ្នកឲ្យមនុស្សគ្រប់គ្នាបានដឹង។ ព្យាយាមរកដំណោះស្រាយ ស្វែងរកធាតុចូលពីគ្រប់ភាគី ហើយឈានទៅដោះស្រាយបញ្ហាទាំងនោះ ដោយមិនគេចចេញពីបញ្ហា ទើបជាមនុស្សខ្លាំង និងទទួលបានការគោរព។ កុំធ្វើជាមនុស្សដែលជួបរឿងបន្ដិចបន្ដួចទន់ជ្រាយបង្ហោះសារតាមហ្វេសបុក ព្រោះអ្នកនឹងក្លាយជាមនុស្សទន់ជ្រាយនៅក្នុងក្រសែភ្នែកមនុស្សទាំងពួង។ មនុស្សខ្លាំងពូកែអត់ទ្រាំ។
៥. តស៊ូដើម្បីឱកាស៖ ការតស៊ូព្យាយាមគង់បានសម្រេច ហើយប្រសិនបើមានឱកាសត្រូវចេះចាប់យក ហើយធ្វើវាឲ្យសម្រេចបាននុវលទ្ធផលដ៏អស្ចារ្យ ប៉ុន្ដែកុំសម្លាប់អ្នកដទៃ។ ភាពជោគជ័យយូរអង្វែង គឺការជោគជ័យដោយជ្រោមជ្រែងមនុស្សជុំវិញខ្លួន មិនមែនជាន់គេដើម្បីឈានទៅរកភាពជោគជ័យនោះឡើយ៕
រូបភាព៖ បរទេស