Tuesday, November 29 Login

កសិករបានប្រទះឃើញគ្រាប់មីនស្គរនៅមានប្រសិទ្ធភាពស្ទើរតែ ១០០% ជាង ១០គ្រាប់កប់នៅក្នុងដីចម្ការអតីតសមរភូមិប្រយុទ្ធ។

លោកវរសេនីយ៍ឯក  សន  និល  អធិការនគរបាលស្រុករតនមណ្ឌលខេត្តបាត់ដំបង បានបញ្ជាក់ថា យុទ្ធភណ្ឌមិនទាន់ផ្ទុះ ទាំងអស់នេះត្រូវបានប្រជាពលរដ្ឋប្រទះឃើញខណៈពេលដែលភ្ជួរដីធ្វើចម្ការនៅលើថ្នាលចាស់ក្បែរទីទួល។

តំបន់ដែលប្រជាកសិករប្រទះគ្រាប់មីនកប់នៅក្នុងដីនេះឋិតនៅត្រង់ចំណុចភូមិជីប៉ាង  ឃុំផ្លូវ មាស  ស្រុក រតនមណ្ឌល  ខេត្តបាត់ដំបង។ ជាទីតាំងចាស់អតីតសមរភូមិប្រយុទ្ធយ៉ាងក្តៅគគុកដែលលោកធ្លាប់ឈរជើងការពារបូរណភាពដែនដី ពិសេសនៅអំឡុងរវាងឆ្នាំ ១៩៨៨កន្លងមក។

មន្ត្រីនគរបាលដែលជាប់ប្រវត្តិការពារតំបន់នេះបានបន្តថា គ្រាប់មីនជាសំ ណល់ពីសម័យសង្រ្គាមជាយូរមកនេះសរុបចំនួន ១២គ្រាប់ ជាប្រភេទគ្រាប់ ៧២A និងហៅម៉្យាងទៀតថាមីនស្គរ ឬមីនសញ្ញាលេខបូក។

លោកថា ភ្លាមៗបន្ទាប់ពីកម្លាំងមូលដ្ឋានទទួលបានព័ត៌មានរាយការណ៍ពីសំណាក់ប្រជាពលរដ្ឋឈ្មោះញៀ ហឿន  អា យុ   ៥៩ឆ្នាំ លោកក៏បានចុះទៅពិនិត្យជាក់ស្តែងរួចសហការជាមួយមន្ត្រី     អង្គភាព CMAC ដើម្បីបោសសម្អាតហើយយកទៅកម្ទេចចោល៕

   អត្ថបទ៖ ដំបង ក្រញូង

Share.

Leave A Reply