សហព័ន្ធកីឡាបាល់ទាត់ពិភពលោកហៅកាត់ថា «FIFA» គ្រោងនឹងដកប្រទេសអេក្វាទ័រ ចេញពីពានរង្វាន់ FIFA World Cup 2022 នៅប្រទេសកាតារ ក្រោយរកឃើញថាកីឡាករ Byron Castillo មានសញ្ជាតិកូឡុំប៊ី និងបានប្រើប្រាស់លិខិតឆ្លងដែនក្លែងក្លាយ លេងតំណាងឲ្យក្រុមជម្រើសជាតិអេក្វាឌ័រ។
កីឡាករ Byron Castillo វ័យ២៣ឆ្នាំ លេងតួនាទីជាខ្សែការពារ កើតនៅទីក្រុង Tumaco ប្រទេសកូឡុំប៊ី ក្នុងឆ្នាំ១៩៩៥ មិនមែនក្នុងទីក្រុង Ecuadorian General Villamil Playas ក្នុងឆ្នាំ១៩៩៨ ដែលជាឯកសារបន្លំរបស់គេនោះទេ។
គួរដឹងថា ក្រុមជម្រើសជាតិអេក្វាឌ័រ ទទួលបាន១៤ពិន្ទុក្នុងចំណោម២៦ពិន្ទុក្នុងការប្រកួតជម្រុះ World Cup កន្លងទៅដែលកីឡាករ Castillo បង្ហាញខ្លួនដែរ។ ប្រសិនបើពួកគេបានបាត់បង់ពិន្ទុសម្រាប់ការប្រកួតដែល Castillo បង្ហាញខ្លួននោះពួកគេនឹងខកខានកៅអី១ទៅកាន់ការប្រកួតក្នុងប្រទេសកាតា។
ក្រុមជម្រើសជាតិអេក្វាឌ័រ ស្ថិតក្នុងពូល A ជាមួយម្ចាស់ផ្ទះកាតារ, សេណេហ្គាល់ និងហូឡង់។ សម្រាប់ការប្រកួតបាល់ទាត់ពិភពលោកនឹងចាប់ផ្តើមនៅថ្ងៃទី២១ ខែវិច្ឆិកា រហូតដល់ថ្ងៃទី១៨ ខែធ្នូ ឆ្នាំ២០២២ ចុងឆ្នាំនេះ៕