នាពេលថ្មីៗនេះ សមាគមសិល្បករខ្មែរបានបញ្ចេញនូវវីដេអូ Trailer នៃភាពយន្ដចម្រៀង «ជីវិតក្មេងវត្ត» ដែលបានដកស្រង់ចេញពីប្រវតិ្តរបស់សម្ដេចអគ្គមហាសេនាបតីតេជោ ហ៊ុន សែន កំពុងតែទទួលបានការចាប់អារម្មណ៍ខ្លាំងពីមហាជនអ្នកលេងបណ្ដាញសង្គមហ្វេសប៊ុក។
វីដេអូត្រឹមរយៈពេលជាង ៥នាទីនេះ បានស្ដែងឲ្យឃើញ ទាំងប្លង់ថត ទាំងតួអង្គសម្ដែង ទាំងទីតាំង គឺមានភាពសម្រិតសម្រាំងខ្លាំង ដើម្បីរំលេចចេញនូវផ្ទាំងទស្សនីយភាពដ៏មានគុណភាពត្រជាក់ភ្នែក និងទាក់ទាញអារម្មណ៍។ វណ្ណកម្មថ្មីមួយនេះបានប្រមូលផ្ដុំនៃតួសម្តែងដែលមានឈ្មោះល្បីល្បីជាច្រើនមកចូលរួមសម្តែង ក្រោមស្នាដៃដឹកនាំសម្ដែងពីលោក ហ្វៃ សំអាង ដែលជាអ្នកជំនាញលើភាពយន្តជើងចាស់មួយរូប។
សូមជម្រាបថា ភាពយន្តចម្រៀង «ជីវិតក្មេងវត្ត» និពន្ធទំនុកច្រៀងក្រោមស្នាដៃដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន ក្រោមការផលិតដោយ សមាគមសិល្បករខ្មែរ ផលិតករដោយ លោកជំទាវ ចន ច័ន្ទលក្ខិណា លោកឧកញ៉ា ហេង ឡុង និងលោកឧកញ៉ា អ៊ឹង លីហេង ។ ភាពយន្តចម្រៀងនេះ នឹងសម្ពោធចាក់ផ្សាយក្នុងពេលឆាប់ៗខាងមុខ។
សូមទស្សនាវីដេអូនេះ៖
