អ្នកគាំទ្រវិស័យបវរកញ្ញាទូទាំងពិភពលោកកំពុងកាន់ទុក្ខ និងមានអារម្មណ៍សោកសៅយ៉ាងខ្លាំង នៅពេលដែលទទួលបានដំណឹងមកថា បវរកញ្ញា Supra National South Sudan 2021 បានបាត់បង់ជីវិតទាំងវ័យក្មេងភ្លាមៗ រហូតធ្វើឱ្យការទម្លាយពីមូលហេតុនៃការស្លាប់របស់កញ្ញានៅលើបណ្ដាញសង្គមជាសាធារណៈ។
តាមការបញ្ជាក់មូលហេតុនៃការស្លាប់របស់បវរកញ្ញារូបនេះនៅលើសារព័ត៌មានបរទេស បានរៀបរាប់ថា នាងបានបាត់បង់ជីវិតដោយសារតែជនរួមជាតិរបស់នាង ជាក្រុមអ្នកប្រឆាំងនឹងការប្រកួតបវរកញ្ញា ឬរាល់ការប្រកួតសម្រស់អស់រយៈពេលជាច្រើនឆ្នាំមកហើយ។ ដោយពួកគេមិនពេញចិត្ត និងមិនលើកទឹកចិត្តនារីរបស់គេចូលរួមក្នុងកម្មវិធីប្រកួតសម្រស់ឡើយ ។ បើកាលដែលនាងនៅមានជីវិត នាងតែងតែនិយាយលើកឡើងថា អាយុនាងខ្លីហើយត្រូវធ្វើឱ្យវាបានល្អ។
បវរកញ្ញា Supra National South Sudan 2021 រូបនេះមានឈ្មោះថា Amelia Michael Sky មានវ័យ ២៦ឆ្នាំ មានកម្ពស់ ១៧៨សង់ទីម៉ែត្រ នាងអាចនិយាយភាសាអង់គ្លេស ស៊ូដង់ និងអារ៉ាប់។ នាងធ្លាប់បានចូលរួមក្នុងកម្មវិធី Miss University ឆ្នាំ 2017 និងកម្មវិធី Top Model South Sudan 2017 និងបានតំណាងឱ្យប្រទេសស៊ូដង់ខាងត្បូងទៅប្រកួតនៅប្រទេសអេហ្ស៊ីប ហើយបានចូលដល់ Top 10 ថែមទៀតផង ។
