ភរិយារបស់តារាចម្រៀង John Legend គឺនាង Chrissy Teigen បានចេញមកទម្លាយឱ្យមហាជនដឹងកាលពីពេលថ្មីៗនេះថា នាងបាត់បង់កូនក្នុងផ្ទៃ ដោយសារតែការរំលូតមិនមែនដោយសាររលូតនោះទេ។
តារាបង្ហាញម៉ូដអាមេរិក និង ជាតារាទូរទស្សន៍វ័យ៣៦ឆ្នាំ ដែលជាអ្នកម្ដាយកូនពីរ ហើយត្រៀមនឹងក្លាយខ្លួនជាអ្នកម្ដាយកូន៣ បានបាត់បាត់ កូនប្រុស Jack ដែលកំពុងតែពរពោះក្នុងផ្ទៃកាលពីអំឡុងខែតុលាឆ្នាំ២០២០ ដោយសារតែរលូត។
យ៉ាងណាមិញនៅក្នុងបទសម្ភាសន៍ថ្មីៗនេះ អតីតតារាបង្ហាញម៉ូដឈុតហែលទឹកបានពន្យល់ថានាង មានអារម្មណ៍ស្លុត និងរន្ធត់យ៉ាងខ្លាំងក្រោយបានដឹងថានាងត្រូវបានរំលូតកូន មិនមែនដោយសារតែរលូតនោះឡើយ ហើយការដែលគ្រូពេទ្យត្រូវបង្ខំធ្វើបើបែបនេះគឺដោយសារតែសង្គ្រោះជីវិតរបស់នាង ព្រោះតែកូនក្នុងផ្ទៃនាងមិនមានឱកាសរស់រៀននោះទេ។
សារព័ត៌មាន Hollywood Report បានរៀបរាប់ពីសម្ដីរបស់តារាស្រីរូបនេះយ៉ាងដូច្នេះ៖ «២ឆ្នាំមុន ពេលដែលខ្ញុំកំពុងពរពោះ Jack ស្វាមីខ្ញុំត្រូវបង្ខំចិត្តធ្វើការសម្រេចចិត្តដ៏ឈឺចាប់បំផុតមួយចំពោះកូនទីបីរបស់ពួកយើង។ ការពិតកូនប្រុសរបស់ខ្ញុំគេមិនអាចរស់នោះ ហើយខ្ញុំក៏មិនអាចរស់បានដូចគ្នាបើគ្មានការសង្គ្រោះពីវេជ្ជសាស្ត្រ។ យើងអាចនិយាយបានថា នោះគឺជាការរំលូតកូន។ ប៉ុន្តែជាការរំលូតកូនដើម្បីសង្គ្រោះជីវិតរបស់ខ្ញុំ។ ជាការពិតណាស់ខ្ញុំមិនដែលដឹងអ្វីទាល់តែសោះ លុះត្រាមកដល់ប៉ុន្មានខែមុននេះប៉ុណ្ណោះ»
ក្រោយសេចក្ដីសម្រេចតុលាការកំពូលអាមេរិកបានចេញសេចក្ដីសម្រេចស្ដីពីសិទ្ធការពារ មិនឱ្យមានការរំលូតកូនក្នុងខណៈកំពុងទម្ងន់ ដូច្នេះហើយទើបតារាចម្រៀងវ័យ ៤៣ឆ្នាំ បានទម្លាយរឿងដែលភរិយាត្រូវបានរំលូតកូនឱ្យសាមីខ្លួនបានដឹងថានាងមិនបានរលូតនោះទេ តែត្រូវបានគេរំលូត។
«ខ្ញុំប្រកាសប្រាប់ពិភពលោកថា ខ្ញុំរលូតកូន ហើយគ្រប់គ្នាដឹងថាខ្ញុំរលូតកូន ប៉ុន្តែខ្ញុំពិតជាម៉ួម៉ៅនិងឈឺចាប់ខ្លាំងណាស់ដែលនោះមិនមែនជាការពិត ដែលនិយាយរឿងនោះ ជាពិសេសខ្ញុំមានអារម្មណ៍ថាខ្លួនឯងល្ងង់ណាស់ ដែលចំណាយពេលជាងមួយឆ្នាំទម្រាំដឹងថាខ្លួនត្រូវគេរំលូតកូន»៕
