ក្រុមបាល់ទាត់ហ្វូតសាលបុរសរបស់ក្រុមជម្រើសជាតិម៉ារ៉ុក ក្លាយជាម្ចាស់ជើងឯកពានរង្វាន់បាល់ទាត់ហ្វូតសាលអន្តរជាតិ Continental Futsal Championship 2022 នៅរាជធានីបាងកក ប្រទេសថៃ ក្រោយយកឈ្នះក្រុមខ្លាំងក្នុងទ្វីបអាស៊ីអ៊ីរ៉ង់ នៅក្នុងវគ្គផ្ដាច់ព្រ័ត្រ។
លទ្ធផលនៃការប្រកួតវគ្គចុងក្រោយមាន៖
ចំណាត់ថ្នាក់លេខ៥៖ វៀតណាម ៣-១ មូហ្សំប៊ី
ចំណាត់ថ្នាក់លេខ៣៖ ថៃ ៩-៨ ហ្វាំងឡង់
ជើងឯក៖ អ៊ីរ៉ង់ ៣-៣ (៣-៤) ម៉ារ៉ុក
ក្រុមម្ចាស់ផ្ទះថៃ បានរៀបចំពានរង្វាន់នេះឡើងក្នុងគោលបំណងត្រៀមខ្លួនចូលរួមប្រកួតក្នុងពានរង្វាន់ហ្វូតសាលអាស៊ី 2022 AFC Futsal Asian Cup នៅប្រទេសគុយវ៉ែត ផងដែរ។
សូមបញ្ជាក់ថាពានរង្វាន់ Continental Futsal Championship កាលពីឆ្នាំ២០២១ កន្លងទៅក្រុមអ៊ីរ៉ង់ ក្លាយជាម្ចាស់ជើងឯក ក្រោយយកឈ្នះថៃ នៅវគ្គផ្ដាច់ព្រ័ត្រ ដោយលទ្ធផល ៥ទល់១ ខណៈក្រុមចូលរួមមានចំនួន៨ក្រុមចែកជា២ពូល៕