ឈុតប្រពៃណីដែលអ្នកនាង ពេជ្ជតា និងកូនស្រី បានស្លៀកបង្ហាញនៅប្រទេសបារាំងកំពុងតែទទួលបានការសរសើរពីមហាជន។
នៅក្នុងការបង្ហោះនៅលើបណ្ដាញសង្គមកាលពីថ្ងៃទី១៨ ខែកញ្ញា កន្លងទៅនេះ តារាចម្រៀងជើងចាស់អ្នកនាង ម៉េង កែវពេជ្ជតា បានបង្ហាញពីស្នាដៃកាត់ដេរសំលៀកបំពាក់របស់ខ្លួន ដោយមានអ្នកនាងនិងកូនស្រីបានស្លៀកទៅវត្តខ្មែរនៅបារាំង។ អ្នកនាងបានលើកថា អ្នកនាងធ្វើនេះគឺដើម្បីជាការចូលរួមអភិរក្សសម្លៀកបំពាក់ខ្មែរ ក៏ដូចជាបង្អួតខ្សែភ្នែកជនបរទេស ខណៈដែលគ្រួសាររបស់អ្នកនាងបានទៅវត្តខ្មែរនៅឯប្រទេសបារាំង។
ស្នាដៃរបស់អ្នកនាងនេះបានទទួលការសរសើរយ៉ាងច្រើនពីអ្នកលេងបណ្ដាញសង្គម។
«បងស្រី ពូកែណាស់បង ស្អាតណាស់» «បងពូកែច្នៃម៉ូត និងដេរសមណាស់អាវ
ខ្ញុំចេះដេរដែរ តែនៅស្ទើរណាស់» «ស្អាតណាស់បងស្រីអូនពេញចិត្តណាស់»
ខាងក្រោមនេះគឺជាការលើកឡើងរបស់ តារាចម្រៀងដ៏មានសមត្ថភាពរូបនេះ៖
ទៅវត្តស្លៀកអី ?
ខំដេរទាំងយបទាំងថ្ងៃគឺដើម្បីស្លៀកទៅវត្តក្នុងរដូវកាន់បិណ្ឌ ដើម្បីអភិរក្សសម្លៀកបំពាក់ខ្មែរផង និងដើម្បីអោយបរទេសគាត់ស្គាល់សម្លៀកបំពាក់ស្ត្រីទៅវត្តរបស់ខ្មែរយើងយ៉ាងម៉េចផង
នៅពេលដែលមានគេសរសើរថា ឈុតទាំងនេះស្អាតៗណាស់ ខ្ញុំពិតជាសប្បាយចិត្តមែនទែន តែខ្ញុំកាន់តែសប្បាយ និងមានកម្លាំងចិត្តទៅទៀតនោះគឺសម្លៀកបំពាក់ទាំងនេះជាស្នាដៃរបស់ខ្លួនឯងផ្ទាល់
(បញ្ជាក់ : ខ្ញុំកាត់ដេរអាវខ្លួនឯង និងអាវសំពត់កូនផ្អែម ចំណែកសំពត់ខ្ញុំខាងកាត់ដេរ ស៊ីវម៉ីដេរអោយពីភ្នំពេញទេ ព្រោះខ្ញុំកាត់ដេរមិនទាន់ ខិខិ )
១៨.០៩.២០២២